کنداپور: طالب علم نے قائم کیاپیروں کو زنجیر سے باندھ کر تیرنے کا ریکارڈ

Source: S.O. News Service | Published on 2nd December 2019, 12:39 PM | ساحلی خبریں | ان خبروں کو پڑھنا مت بھولئے |

کنداپور2/دسمبر (ایس او نیوز) کنداپور کے بھنڈارکر کالج میں زیر تعلیم سمپت ڈی کھاروی نے اپنے پیروں کو زنجیر سے باندھ کر پنچاگنگاولی ندی میں تیرنے کا ریکارڈ قائم کیا ہے۔

سمپت کے بارے میں بتایا جاتا ہے کہ وہ کھاروی کیری کا رہنے والا ہے اور تیراکی کا شوقین اور ماہر ہے۔اس نے بسرور کے پاس واقع ریلوے پل کے قریب مہاکالی مندر انتظامیہ کمیٹی کے صدر پرکاش کھاروی کے ہاتھ سے اپنے پیروں میں زنجیر لگوائی اور ندی میں تیرنا شروع کیا۔ تقریباً چار گھنٹے تک ندی میں تیرتے ہوئے اس نے25کلو میٹر کا فاصلہ طے کیااور گنگولی میں ندی کے کنارے پرپہنچ کر دم لیا۔

 سمپت جب بندھے ہوئے پیروں کے ساتھ ندی میں تیر رہا تھا تو اس کے والد دیورایا کھاروی کے علاوہ کچھ ماہر تیراک اس کے ساتھ محافظ کے طور پر حلقہ بناکر تیرتے رہے۔اس کے علاوہ سمپت کے چاہنے والے ایک کشتی میں سوار ہوکر اس کے ساتھ سفر کرتے اورڈرم دیگر موسیقی کے آلات بجاکراس کا حوصلہ بڑھاتے رہے۔ندی کے دونوں کناروں سے بھی ہزاروں لوگوں نے سمپت کو شاباشی دی اور ہمت بندھائی۔

جب سمپت تیرتے ہوئے گنگولی بندرگاہ پر پہنچا تو پولیس سب انسپکٹر واسپّا نائکا نے اس کا استقبال کیا۔ اس موقع پر اسے مبارکباد ینے کے لئے سرکاری اسپتال کے میڈیکل آفیسر وجئے شنکر، فزیکل ایجوکیشن ٹیچر آنند پجاری کے علاوہ کچھ اداروں کے ذمہ دار اور سیکڑوں شائقین موجود تھے۔کھاروی کیری یوا بریگیڈ کے اراکین نے سمپت کے لئے تہنیتی پروگرام منعقد کیا۔

ایک نظر اس پر بھی

ہندوتوا کارکنوں پر درج ہوئے مقدمات بی جےپی حکومت واپس لے گی : وزیر کے ایس ایشورپا

موجودہ ریاستی بی جے پی کی حکومت ہندوتوا تنظیموں کے کارکنانوں پر دائر ہوئے مقدمات کو واپس لینےکی تیاری  میں ہے ، اس سلسلےمیں ریاستی وزیر کے ایس ایشورپا نے سرسی میں بیان دیتے ہوئے کہاکہ پچھلی سرکار ہندوتوا تنظیموں کے کارکنوں پر بے وجہ در ج کئے مقدمات کو بی جے پی حکومت واپس لے گی، ...

بھٹکل سرکاری محکمہ جات کے مسائل کو حل کرنے کا مطالبہ لے کر رکن اسمبلی کا وزیر تحصیل کو میمورنڈم

محکمہ تحصیل میں کئی سارے مسائل فائلوں کی دھول چاٹ رہے ہیں، انہیں کوئی پوچھنے والا نہیں ہے، اس سلسلے میں حل کے لئے کارروائی کامطالبہ لےکر بھٹکل کے رکن اسمبلی سنیل نائک نے بدھ کو وزیر برائے تحصیل آر اشوک کو میمورنڈم سونپا۔

ضلع ڈپٹی کمشنر دیہات چلو ‘دیہی مسائل کے حل کی طرف عملی کوشش :کمٹہ منی ودھان سبھا کے افتتاحی تقریب میں وزیر آر اشوک

لع ڈپٹی کمشنر، اسسٹنٹ کمشنر ، تحصیلدار مہینے میں ایک بار ایک دیہات کا دورہ کرتےہوئے وہاں کے مسائل کی جانکاری حاصل کرتےہوئے حل کی کوشش کریں۔ اسی مقصد کو لےکر ’ڈی سی افسران دیہات چلو ‘ پروگرام شروع کرنے کا وزیر برائے تحصیل ، شہری انتظامیہ آر ، اشوک نے اعلان کیا۔

بھٹکل کے شرالی میں زیرو ویسٹ مینجمنٹ مرکز  کا قیام : کچرے کا دوبارہ استعمال کے لئے لائق بنانے والا مثالی منصوبہ :سی ای اؤ محمد روشن

گھر گھر سے جمع کئے جانے والے کچرے کو مقامی طورپر ہی دوبارہ استعمال کرنے کا مقصد لے کر زیرو ویسٹ مینجمنٹ مرکز کا بھٹکل تعلقہ کے شرالی میں قائم کئے جانے کی اترکنڑا ضلع پنچایت کے  سی ای اؤمحمدر وشن نےجانکاری دی ہے۔ پورے ملک میں یہ پہلی تجرباتی کوشش ہے جس کے لئے شرالی گرام پنچایت ...

منگلوروایئرپورٹ بم معاملہ: کمارا سوامی اور بی جے پی کے درمیان جاری ہے زبانی بمباری  

ایک طرف منگلورو ایئر پورٹ پر دھماکہ خیز مادہ (آئی ای ڈی) رکھنے والا ملزم آدتیہ راؤنے بنگلورو میں پولیس کے سامنے خودسپردگی کی ہے اور اپنا جرم قبول کرلیا ہے۔ جس کے بعد اسے گرفتار کرکے پوچھ تاچھ کی جارہی ہے۔دوسری طرف اس معاملے پر سابق وزیراعلیٰ وزیراعلیٰ کمارا سوامی اور بی جے پی ...

سی اے اے-این آرسی پر اویسی نے امت شاہ کودیا بحث کا چیلنج،  کہا داڑھی والے سے بحث کرنے پر ٹی آرپی بھی آئے گی

سی اے اے، این آرسی اور این پی آر کو لے کر حیدرآباد سے ایم پی اوراے آئی ایم چیف اسد الدین اویسی آغازسے ہی جم کر مخالفت کر رہے ہیں۔وہیں، اب انہوں نے سی اے اے، این آرسی اور این پی آر کو لے کر وزیر داخلہ امت شاہ کو بحث کرنے کے چیلنج دے دیا ہے۔

کاغذ مانگیں تو کہو، چارمینار میرے باپ نے بنوایا ہے تیرے باپ نے نہیں:اکبرالدین اویسی کی مودی حکومت کو پھٹکار

آل انڈیا مجلس اتحاد المسلمین (اے آئی ایم آئی ایم) کے لیڈر اور رکن پارلیمنٹ اسد الدین اویسی کے بھائی اکبر الدین اویسی نے پیر کو حیدرآباد میں ایک بار پھر ایک بیباک تبصرہ کیا۔حیدرآباد کے ایک اجتماع میں اویسی نے شہریت ترمیم قانون کی مخالفت کرتے ہوئے مرکز پر نشانہ لگایا۔اویسی نے ...

نصابی کتابوں سے ٹیپوسلطان کا سبق ہٹایا نہیں جائے گا: ریاستی وزیر تعلیم سریش کمار

وزیر اعلیٰ ایڈی یورپا کے اعلان کے بعد اب ریاستی وزیر برائے پرائمری و سکینڈری تعلیم سریش کمار نے بھی آج باقاعدہ اعلان کردیا ہے کہ میسور کے حکمران ٹیپو سلطان کا سبق نصابی کتابوں سے ہٹایا نہیں جائے گا۔

بھٹکل کے بیلکے میں ہوئی چوری کا ملزم گرفتار؛ 38.54گرام سونے کے زیورات برآمد

گزشتہ 4جنوری کو دن دہاڑے تعلقہ کے بیلکے کنچی کیری کےمکین ناگراج گنپتی ہیگڈے کے گھر کا دروازہ توڑ کر نقد رقم اور زیورات چراکر فرار ہونے کے الزام میں پولس نے ایک شخص کو گرفتارکرلیا ہے اور اُس کے پاس موجود 38.54گرام  سونے کے زیورات برآمد کرنے میں  پولس کامیاب ہوگئی ہے۔