کنداپور: ایک شخص نے کی 163مرتبہ کوارنٹین قانون کی خلاف ورزی۔ پولیس اسٹیشن میں درج ہو اکیس
کنداپور،14؍جولائی (ایس او نیوز) کنداپور میں ہوم کوارنٹین کیے گئے ایک شخص نے ایک دو بار نہیں بلکہ 163مرتبہ قانون کی خلاف ورزی کرتے ہوئے اپنے کمرے سے باہر نکلنے اور مختلف مقامات پر جانے آنے کا کام کیا ہے، جس کے خلاف فلائنگ اسکواڈ کی شکایت پر کنداپور پولیس اسٹیشن میں کیس درج کرلیا گیا ہے۔
بتایا جاتا ہے کہ صاحب سنگھ نامی پلائی اوڈ اور کانچ کا ایک بیوپاری 29؍جون کو ممبئی سے کنداپور آیا تھا۔اس کو13جولائی تک گھر میں کوارنٹین میں رہنے کی ہدایت دی گئی تھی۔ لیکن جب اس کا جی پی ایس ریکارڈچیک کیا گیا تو معلوم ہو ا کہ وہ کوٹیشور میں موجود اپنے کرایے کے کمرے سے 163مرتبہ باہر نکلا ہے اور صرف کنداپورشہر ہی میں نہیں، بلکہ اڈپی ہوٹلو ں میں بھی جانے آنے کا ریکارڈ جی پی ایس سسٹم میں موجود ہے۔اس پر کارروائی کرتے ہوئے فلائی اسکواڈ کے آفیسر این جی بھٹ نے پولیس کے پاس شکایت کی اور اس کے نتیجے میں کیس درج کیا گیا۔