کنداپور : ندی میں تیرنے کے دوران نوجوان تیز لہروں میں بہہ کر لاپتہ
کنداپور ،20؍ ستمبر (ایس او نیوز) کنداپور تعلقہ کے موواڈی گاوں میں سوپرنیکا ندی میں تیرنے کے لئے اترنے والا ایک نوجوان پانی میں بہہ کر لاپتہ ہوگیا ۔ ذرائع سے ملی اطلاع کے مطابق ندی کے تیز بہاو میں بہہ جانے والے اس نوجوان کی شناخت مہیندرا (25 ) کی حیثیت سے کی گئی ہے جو گنگولی کے قریب گجاڈی گاوں کا رہنے والا تھا ۔
اطلاع کے مطابق اتوار شام کو مہیندرا تراسی کے پاس اپنے دوست عاشق (20 ) اور شرتھ (25 ) کےساتھ موواڈی پل پر بیٹھا ہوا تھا۔ عاشق اور مہیندرا نے ندی میں تیرنے کا فیصلہ کیا، لیکن جیسے ہی وہ ندی میں اترے پانی کی بہت ہی تیز زیریں لہروں نے مہیندرا کو کھینچ لیا۔ اس کے ساتھ عاشق بھی خطرے سے دوچار ہوگیا مگر راناکر کنچن اور یوگیندرا کنچن نامی مقامی افراد نے اسے بچا لیا ۔
فائر بریگیڈ، گنگولی پولیس عملہ اور مقامی افراد نے کل دیر رات تک کشتیوں کی مدد سے ندی میں راجیندرا کو تلاش کرنے کی مہم چلائی مگر راجیندرا کا کوئی اتہ پتہ نہیں چلا ۔