کمٹہ 22 / جون (ایس او نیوز) کمٹہ کے کڈےکوڈی میں واقع ہونڈائی کار کمپنی کے شوروم میں اچانک آگ لگ گئی جس سے لاکھوں روپے کا نقصان ہوا ہے ۔
بتایا جاتا ہے کہ نیشنل ہائی وے کنارے واقع کانچنا ہونڈائی شوروم میں شارٹ سرکیوٹ کی وجہ سے دیر رات گئے آگ بھڑکنے سے ایک کار، 2 کمپیوٹرس، 2 ٹیبل اور کچھ دستاویزات جل کر پوری طرح خاکستر ہوگئے ۔
آتش زدگی کی اطلاع ملتے ہی فائر بریگیڈ عملہ اور پولیس نے موقع پر پہنچ کر مقامی لوگوں کے تعاون سے آگ پر قابو پا لیا ۔