کمٹہ کے منکی میدان میں منعقدہ کانگریس کے عوامی بیداری سماویش کی کامیابی میں منکال وئیدیا کے بڑھتے قدم
ہوناور:25؍ نومبر(ایس اؤ نیوز)کمٹہ تعلقہ کے منکی میدان میں منعقدہ ضلعی کانگریس کے عوامی بیداری سماویش میں امید سے زائد عوام نے شرکت کی۔ پچھلے ودھان سبھا انتخابات میں ہار کے بعد مایوسی کا شکار ہوئی پارٹی میں ایک نئی جان ڈالنےمیں سماویش کامیاب ہونے کی بات کہی جارہی ہے۔
کے پی سی سی صدر ڈی کے شیوکمار، نائب صدر آئیون ڈیسوزا، سابق وزراء یوٹی قادر، آروی دیش پانڈے سمیت کئی لیڈران کی شرکت ضلعی سطح پر کانگریس کےلئے قوت دینے کا کام کیا ہے تو ساحلی اضلاع کے سابق ارکان اسمبلی نے سماویش کو کامیاب بنانے میں اپنی طاقت سے زیادہ کوششیں کی ہیں۔ ان میں خاص کر بھٹکل کے رکن اسمبلی منکال وئیدیا کی کوششیں ستائش کی قابل ہیں۔ گذشتہ انتخابات میں فرقہ وارانہ فسادات ، نفرت کی آگ کے دوران بھی صرف چند ہزار ووٹوں سے ان کی شکست ہوئی تھی ۔ اس مرتبہ ہر حال میں جیت درج کرنےکی ضد پر نظر آرہے ہیں۔ جس کے لئے زبردست تیاریوں میں مصروف منکال وئیدیا ، الیکشن میں ناکام ہونے کے بعد مایوس ہوئے بغیر حلقہ میں پارٹی کے استحکام کےلئے مسلسل جٹے رہے ۔ نچلی سطح پر عوام سے ناطہ جوڑتے ہوئے بہترین رابطہ کار کے طور پر جانے جاتے ہیں۔
کمٹہ کے سماویش میں سب سےزیادہ بھٹکل کے عوام نے شرکت کی تھی ۔ اس طرح منکال وئیدیا نے پارٹی لیڈران کے سامنے اپنی قوت کا بہتر مظاہرہ کیاہے۔ بھٹکل ، منکی ، ہوناور تعلقہ کے دیہی علاقوں سے قریب 3ہزار بائک سوار اور سیکڑوں کار وں کے ذریعے عوام ریلی کی شکل میں کمٹہ کے سماویش میں پہنچ کر اپنے مخالفین کو انتخابات کے لئے تیاررہنےکا پیغام دیا ہے۔
گذشتہ انتخابات میں ہار ہونےکے باوجود تعلیم ، صحت ، کھیل ، ثقافت ، سماجی سطح پر اپنا تعاون جاری رکھتےہوئے حلقہ کے عوام میں اپنی شناخت اور تعلقات کو بنائے رکھا ہے۔ انتخابات کےلئے کانگریس پارٹی کی جانب سے 7سے زائد لوگوں نے عرضی دی ہے۔ عرضی دینے والوں میں چند غیر جانبدار ہیں تو کچھ لوگ اتنے دنوں تک بی جےپی ، جے ڈی ایس لیڈران کے ساتھ رہتےہوئے اب انتخابات کے وقت پارٹی میں شامل ہونے کی کوشش میں ہیں۔ ان سب کو سماویش میں زائد لوگوں کو شریک کراتےہوئےمنکال وئیدیا نےجواب دیا ہے۔ اتنا ہی نہیں بلکہ کمٹہ میں منعقدہ سماویش میں شریک لیڈران کو بھی ایک طاقت ور لیڈر ہونےکا پیغام دیا ہے۔ سماویش میں منکال وئیدیا کا نام لیتے ہی سیٹیاں، تالیاں بجنےلگیں اور یہ دیر تک بجتے رہیں۔ یہ سب بتا رہاہے کہ اگلی بار بھٹکل ہوناور ودھان سبھا حلقہ میں منکال وئیدیا کےلئے ٹکٹ پکی ہونے کی بات کانگریس کے حلقہ سےسنی جارہی ہے ۔
توجہ کے قابل بھاشن :کمٹہ کے منکی میدان میں منعقدہ عوامی بیداری سماویش میں منکال وئیدیا کا بھاشن سب کو متوجہ کرنے اور سب کی ستائش کے قابل رہاہے۔ سبھی بھاشن کاروں سے بالکل الگ اپنے بھاشن میں بی جےپی کے خلاف کامیاب حملے کئے اور بڑھتی قیمتوں ، بے روزگاری ، عوامی مسائل کے متعلق آواز اٹھائی ۔ اپنے رائے دہندگان کے دل کی آواز بن کر منکال وئیدیا نے بھاشن کئےجانےپر کارکنا ن نے خوشی کا اظہارکیا ہے۔
میں اپنے کارکنوں کےساتھ ہوں: سماویش میں زیادہ کارکنان کی شرکت پر اظہار خیال کرتےہوئے منکال وئیدیا نے کہاکہ میرے حلقہ کے کارکنان کے پیار و محبت سے دل بھر آیا ہے۔ کارکنان نے میرے اعتماد کو بحال رکھا ہے اور میرے ہم قدم بن کر چل رہے ہیں۔ سماویش کی کامیابی میرے کارکنان کی شرکت سے ہے میں اس کے لئے ان کا شکریہ اداکرتاہوں اور امید کرتاہوں کہ پارٹی لیڈران اور کارکنان کا یہ پیار ومحبت آگے بھی ملتا رہےگا۔