گجرات کے وزیراعلیٰ کی طرح میں نے قتل عام نہیں کیا: وزیراعلیٰ کمار سوامی

Source: S.O. News Service | By Shahid Mukhtesar | Published on 15th April 2019, 11:25 AM | ریاستی خبریں |

بنگلورو،15؍اپریل (ایس او  نیوز) وزیر اعظم نریندرمودی پر سنٹیج پس منظر سے ہی آئے ہو ئے ہیں ۔ یہی وجہ ہے کہ وہ جب بھی ریاست آتے ہیں، پرسنٹیج کی بات کرتے ہیں، اس حدود سے باہر آکر وہ کبھی نہیں بولتے ۔ نریندر مودی کے 20پرسنٹیج طنزپر رد عمل ظاہر کرتے ہوئے وزیراعلیٰ کمار سوامی نے مذکورہ باتیں کہی ہیں۔ دستور کاز ڈاکٹربی آر امبیڈکر کے جنم دن کی مناسبت سے ودھان سودھا کے سامنے امبیڈکر کے مجسمہ پر پھول ہار ڈالنے کے بعدانہوں نے کہا کہ وزیر اعظم کا پس منظر دیکھتے ہیں تو پتہ چلتا ہے کہ وہ کمیشن پر سنٹیج سے آئے ہیں۔ اس لئے ہمیشہ ان کو اسی کی فکر رہتی ہے،ریاستی حکومت کے بارے میں کہنے کیلئے ان کے پاس کچھ بھی نہیں ہے ۔ اس لئے وہ جھوٹا الزام لگا کر چلے جاتے ہیں۔ مودی کی سطح پر اترکر میں بات نہیں کرتا ۔ انکم ٹیکس سمیت کسی بھی تحقیق کیلئے میں نے کبھی خوف نہیں کھایا ۔ کیونکہ میں نے وزیر اعلیٰ کے عہدہ پر رہتے ہوئے گودھرا جیسے فسادات بھڑ کا کر معصوموں کی جانیں تلف کرنے کاکوئی کام نہیں کیا۔ اس لئے میں مودی کی سطح پر اتر نہیں سکتا۔ آئی ٹی افسروں کی چھاپہ مار کارروائی کے خلاف ہم نے احتجاج کیا ۔ اس پرمودی طنز کرتے ہیں۔ کیا آئی ٹی محکمہ جانبداری سے کام کررہا ہے؟ اس پر توجہ دینے کی ضرورت ہے ۔ سابق وزیر اعظم ایچ ڈی دیوے گوڈا کسی قریہ میں کسی شخص کے بلانے پر اس کے گھر کھانے کیلئے جاتے ہیں تو تیسرے دن آئی ٹی افسر اس غریب کے گھر پر چھاپہ مار دیتے ہیں۔ کیا مرکز میں انسانیت رکھنے والی حکومت ہے؟ میں انکم ٹیکس کے چھاپوں سے ڈرتا نہیں ۔ کسی بھی تحقیق سے میں خوف نہیں کھاتا ۔ وزیراعظم نریندر مودی نے گجرات کے وزیراعلیٰ رہتے ہوئے گودھرا قتل عام کے معاملہ میں پولیس تحقیقات کاسامنا کیاتھا ۔ وزیراعلیٰ کے طو رپر انہوں نے معصوموں کا قتل عام کیا ہے ۔ ان سے مجھے سبق لینے کی ضرورت نہیں ہے ۔ ہماری حکومت کوریموٹ کنٹرول کہنے والے مودی کس ریموٹ کنٹرول میں ہیں بتانا ہوگا۔

ایک نظر اس پر بھی

آئی ایم اے معاملہ:منصورخان نے کی خودسپردگی کی پیشکش،ویڈیو پیغام میں جان کے خطرے کے خدشے کا اظہار-پولیس کمشنر کے سامنے تمام تفصیلات رکھنے کی یقین دہانی

ای ڈی کے ذریعہ سمن جاری ہونے کے تین دن کے بعد گذشتہ 8 جون سے مفرور آئی ایم اے کے منیجنگ ڈائرکٹر محمدمنصورخان نے اپنی زندگی کا ثبوت دیتے ہوئے ایک ریکارڈ ویڈیو پیغام پولیس کمشنر الوک کمار اوردیگر سرمایہ کاروں کے لئے ریلیز کیا -

لوگوں کا دکھ درد جاننے دیہات کے دورے پر نکلے وزیراعلی کمارسوامی، اسکول کی فرش پر گزاری رات

کرناٹک کے وزیر اعلی ایچ ڈی کمارسوامی گرام قیام پروگرام کے تحت دیہاتوں  کا دورہ کر رہے ہیں،وہ جمعہ کو جنوبی کرناٹک میں یادگیر ضلع میں گرمیتکل تعلقہ میں آنے والے چندرکی گاؤں پہنچے جہاں گاؤں والوں نے جم کر ان کا استقبال کیا۔ ...