بنگلورو، 20؍ نومبر (ایس او نیوز) مرکزی حکومت نے کس مقصد کے تحت تین متنازعہ زرعی قوانین واپس لئے ہیں۔ اس کی وضاحت کرنی ہوگی، سابق وزیر اعلیٰ ایچ ڈی کمار سوامی نے یہ مطالبہ  کیا ہے۔  جمعہ کو نامہ نگاروں سے بات چیت کرتے ہوئے انہوں نے کہا کہ کسانوں کا احتجاج  ختم کرانے کے لئے یہ قوانین واپس لئے گئے ہیں، یا سیاسی مقصد کیلئے یہ فیصلہ لیا گیا ہے۔ مرکزی حکومت وضاحت کرے۔ کسانوں نے گزشتہ ایک سال سے تینوں مرکزی  زرعی قوانین واپس لئے جانے کے  مطالبہ میں احتجاج کررہے ہیں، اتنے دنوں تک ان کے احتجاج پر کوئی کارروائی نہیں کی گئی اب اچانک یہ فیصلہ لینے سے کئی شبہات پیدا ہورہے ہیں، ایک شبہ یہ بھی ہے کہ آئندہ دنوں میں اترپردیش سمیت پانچ ریاستوں میں اسمبلی انتخابات ہونے والے ہیں، ان کو مد نظر رکھ کر غالباً یہ فیصلہ لیا گیا ہے۔