کرناٹک میں کماراسوامی حکومت اعتماد کا ووٹ حاصل کرنے میں ناکام؛ کرناٹک کا ناٹک بالاخر ہوگیاختم

Source: S.O. News Service | By I.G. Bhatkali | Published on 23rd July 2019, 8:07 PM | ریاستی خبریں | ملکی خبریں |

بنگلور 23/جولائی (ایس او نیوز/ایجنسی ) کرناٹک اسمبلی میں کئی دنوں تک لگاتار پس و پیش کی صورت حال برقرار رہنے کے بعد آج آخر کار فلور ٹیسٹ ہوا اور کماراسوامی کی حکومت اعتماد کا ووٹ حاصل کرنے میں ناکام رہی۔ کرناٹک کی جے ڈی ایس-کانگریس مخلوط حکومت کے حق میں 99 ووٹ ڈالے گئے جبکہ اس کی مخالفت میں 105 ووٹ پڑے۔ اس کے ساتھ ہی  14 مہینے پرانی ایچ ڈی کماراسوامی حکومت گرگئی۔ اعتماد کا ووٹ حاصل کرنے میں کماراسوامی کی شکست کے ساتھ ہی   بی جے پی کے اراکین   جیت کا سائن دکھاتے نظر آئے۔ بتایا جارہاہے کہ جلد ہی کماراسوامی راج بھون پہنچ کر اپنا استعفیٰ پیش کرسکتے ہیں، اُن کے استعفیٰ کے بعد ریاست کے گورنر واجو بھائی والا بی جے پی لیڈر بی ایس یڈی یورپا کو سرکار بنانے کی دعوت دے سکتے ہیں۔

واضح رہے کہ تحریک اعتماد آج کرناٹک کے وزیر اعلیٰ ایچ ڈی کمارسوامی کی طرف سے پیش کی گئی تھی۔ اس موقع پر اسپیکر رمیش کمار نے تمام اراکین اسمبلی کو کھڑا کرتے ہوئے برسر اقتدار اور  اپوزیشن ارکان کی گنتی کرائی۔ اہلکاروں نے پہلے  برسر اقتدار پارٹی کی حمایت والے اراکین کی گنتی کی پھر اُس کے بعد اپوزیشن ارکان اسمبلی کی گنتی کرائی گئی۔ غالباً ایسا پہلی بار ہوا ہے کہ  ارکان اسمبلی کی گنتی فزیکلی کی گئی ہے۔

یاد رہے کہ  15 باغی ارکان اسمبلی کے استعفیٰ کے بعدبھی کانگریس اور جے ڈی ایس سرکار کو بچانے کے لئے کوشش کررہے تھے، گذشتہ کئی دنوں سے دونوں پارٹیاں فلور ٹیسٹ کو ٹالنے کی کوشش میں تھے، لیکن آخر کار منگل کو ووٹنگ ہوئی۔ کماراسوامی کی سرکار کے لئے آج کا دن   آخری دن ثابت ہوا۔ کمارا سوامی نے کہا کہ میں ایکسیڈینٹل وزیراعلیٰ ہوں۔ قسمت سیاست میں لائی ۔ اعتماد کے ووٹ پر  ووٹنگ سے پہلے  ایچ ڈی کماراسوامی  نے جذباتی خطاب کرتے ہوئے کہا کہ  اُنہیں عہدہ کا کوئی لالچ نہیں ہے، میں سیاست میں نہیں آنا چاہتا تھا لیکن قسمت مجھے یہاں  کھینچ لائی۔ اُن کی جذباتی تقریر کو  وداعی تقریر مانا جارہا ہے، انہوں نے کہا کہ  میں بے حد حساس شخص ہوں، میں نے جب اپنے خلاف رپورٹس دیکھی تو سوچا کہ کیا مجھے ان سب کے بعد بھی وزیراعلیٰ کے عہدہ پر بنے رہنا چاہئے، مجھے بے حد تکلیف ہوئی اور میں اپنا عہدہ  قربان کرنے کے لئے تیار ہوں۔

بنگلور میں اسمبلی کے باہر دفعہ 144 نافذ:   اسمبلی میں چل رہے فلور ٹیسٹ کے دوران کرناٹک اسمبلی کے باہر بھاری پولس فورس تعینات کر دی گئی اور کسی بھی غیر متوقع واقعے سے نپٹنے کے لئے  پولس تیار نظر آئی۔ قبل ازیں وزیر اعلیٰ کماراسوامی نے عوام اور اسمبلی اسپیکر سے معافی طلب کی۔اور  کہا کہ تحریک اعتماد کی کارروائی کو لمبی کھینچنے کی ان کی منشا نہیں تھی اور وہ اسمبلی اسپیکر اور ریاست کے عوام سے معافی مانگتے ہیں۔

 باغیوں نے پیٹھ میں چھرا گھونپا:   کانگریس لیڈر اور اتحادی حکومت میں وزیر ڈی کے شیو کمار نے ریاستی اسمبلی میں کہا کہ ’’بی جے پی کے لیڈروں نے میری پیٹھ میں چھرا نہیں گھونپا بلکہ وہ ممبئی میں بیٹھے باغی اراکین اسمبلی ہیں جنھوں نے میری پیٹھ میں چھرا گھونپا ہے۔‘‘ ساتھ ہی انھوں نے یہ بھی کہا کہ ’’فکر نہ کریں،  آج انہوں نے ہمارے ساتھ ایسا کیا ہے تو وہ آپ سبھی کے ساتھ بھی ایسا ہی کریں گے۔میں یہ بتادینا چاہتا ہوں کہ  وہ وزیر نہیں بن سکتے ۔

اسپیکر کے کام میں عدالت بھی  مداخلت نہیں کر سکتی:  سدارمیا نے اسمبلی میں اپنے خطاب کے دوران   کہا کہ ’’اسپیکر کے پاس استعفیٰ نامنظور کرنے یا منظور کرنے کا اختیار ہے۔ اسمبلی میں اسپیکر سب سے اوپر ہوتا ہے۔ کوئی بھی عدالت اسپیکر کے کام میں مداخلت نہیں کر سکتی ۔  علاوہ ازیں سدارمیا نے یہ بھی کہا کہ بی جے پی کے پاس مینڈیٹ نہیں ہے، اس کے باوجود وہ پچھلے دروازے سے حکومت بنانے کی لگاتار کوشش کر رہی ہے۔

خیال رہے کہ اسمبلی اسپیکر نے کانگریس کے 12 باغی ارکان اسمبلی کو آج  منگل کے روز 11 بجے حاضر ہونے کے لئے سمن جاری  کیا تھا لیکن انہوں نے نجی وجوہات کا حوالہ دے کر بنگلورو آنے سے معذرت کی اور ملاقات کے لئے چار ہفتوں کا وقت طلب کیا۔ یاد رہے کہ  دو آزاد امیدواروں آر شنکر اور ایچ گنیش نے 8 جولائی کو وزیر کے عہدے سے استعفی دیتے ہوئے مخلوط حکومت سے حمایت واپس لے لی تھی  اور بی جے پی  خیمہ میں شامل ہو گئے تھے۔ اس کے بعد بی جے پی کے پاس 107 ارکان  ہو گئے  جن میں سے اس کے اپنے 105 ارکان   ہیں۔

 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...