دبئی20/اکتوبر (ایس او نیوز) کرناٹکا اسپورٹس اینڈ کلچرل کلب دبئی کی جانب سے 25اکتوبر کو2بجے کے ایس سی سی ٹولرینس ٹرافی 2019کے نام سے الوصل کلب دبئی میں والی بال ٹورنامنٹ کا انعقاد کیا جائے گا۔

 ٹورنامنٹ کے انعقاد سے متعلق ضروری کارروائیوں کے لئے آرگنائزنگ کمیٹی اور مقابلے میں شریک ہونے والی ٹیموں کی ایک مشترکہ پیشگی میٹنگ دبئی پرل کریک ہوٹل میں ہوئی، جس کی صدارت کمیٹی کے نائب چیرمین حفیظ الدین کاپ نے کی۔میٹنگ کے بعد پریس کانفرنس ہوئی جس کے دوران فکچرس لاٹ اور مقابلے میں شریک ہونے والی ٹیموں کے لئے جرسیس تقسیم کی گئیں۔منیجنگ ڈائریکٹر ایمسکوائرانجینئرنگ کنسلٹنٹ اور ٹورنامنٹ کے کلید اسپانسر جناب محمد مصطفی مہمان خصوصی کے طور پر اور کلب کے بورڈ آف ڈائریکٹرز کے رکن جناب خالد المحیری مہمان کی حیثیت سے حاضر موجود تھے۔کے سی سی کے صدرجناب محمد اسماعیل نے افتتاحی خطاب کیا۔

 دبئی میں ایئر آف ٹولرینس منانے کے حوالے سے منعقد ہونے والے اس والی ٹورنامنٹ میں جو ٹیمیں شریک ہورہی ہیں ان کے نام یوں ہیں:

1۔ فریش اونلی دبئی، 2۔سی ایچ ایس دبئی، 3۔ یوتھ انڈیا، 4۔ امریکن یونیورسٹی آف دبئی، 5۔ ڈیزل لنک، 6۔ خان کلب، 7۔ ہیٹ شیلڈ، 8۔ ریڈ کراس۔ ان ٹیموں کو لاٹ اٹھانے اور جرسی منتخب کرنے کا موقع دیاگیا۔

 اس موقع پر ایوینٹ میچ ریفری جناب محی الدین نیشنل ریفری آف والی بال آف انڈیانے قوانین و ضوابط کا اعلان کیا۔ اس ٹورنامنٹ کی آرگنائزنگ کمیٹی میں افروز اسدی ایونٹ چیرمین، حفیظ الدین وائس ایونٹ چیرمین،نوئیل، الطاف خلیفے، مبین اڈپی، سمیع اللہ، مجدی، عبدالحمید، محمد شفیع، تنویر اور الطاف کودرولی شامل ہیں۔منتظمین نے شائقین سے کثیر تعداد میں شرکت کرتے ہوئے اس ٹورنامنٹ کو اعلیٰ پیمانے پر انجام پزیر کرنے میں تعاون کی درخواست کی ہے۔ اس تعلق سے کسی بھی قسم کی معلومات درکار ہوتو فون نمبر 0554066926 اور05545505431پر رابطہ قائم کیا جاسکتا ہے۔