سرسی میں کے پی سی سی ورکنگ پریسڈنٹ ستیش جارکی ہولی کی آمد : کیڈر لیول پر پارٹی کا استحکام

Source: S.O. News Service | By Abu Aisha | Published on 29th May 2020, 10:39 PM | ساحلی خبریں |

سرسی :29؍مئی(ایس اؤ نیوز) انتخابات کے موقعوں پر امیدوار کے انتخاب کو لے کر ہونے والی پیچیدگیوں کو دور کرنے کےلئے کیڈر لیول پر پارٹی کومستحکم کرنے کا منصوبہ تشکیل دیا گیا ہے ، اس بات کی اطلاع کے پی سی سی ورکنگ صدر ستیش جارکی ہولی نے دی۔

جمعہ کو سرسی کادورہ کرنے کے دوران  اخبارنویسوں سے بات کرتے ہوئے  ستیش جارکی ہولی نے کہاکہ جو کوئی کے پی سی سی کی ذمہ داری لیتا ہے اس پر پارٹی کو مستحکم کرنےکی بہت بڑی ذمہ داری ہوتی ہے۔ آئندہ ہونےو الے انتخابات میں پارٹی کی  جیت اور لیڈران کے درمیان تال میل کے لئے کوششیں کرنی ہیں۔ ہر انتخابات کے دوران  امیدوار کے انتخاب کو لے کر کافی ہنگامہ آرائی ہوتی ہے  ، ہمارے لوگ ہی ہمیں شکست دینے کی مثالیں ہیں، اگر کیڈرلیول پر پارٹی کی تعمیر ہوتی ہے تو متعلقہ مسائل کو حل کیا جاسکتا ہے۔

ستیش جارکی ہولی نے بتایا کہ 7جون کو بنگلورو میں کے پی سی سی ورکنگ پریسڈنٹ کی حلف برداری ہوگی۔ اس سلسلے میں ریاست کے 7اضلاع کا دورہ کرتےہوئے پارٹی لیڈران سے ملاقات کی گئی ہیں، کرونا وائر س کے چلتے پروگرام سادگی کے ساتھ منعقد ہوگا، جب کہ ہم  چاہتے ہیں کہ پروگرام کو 4لاکھ لوگ دیکھیں۔ اسی لئے شہری ، دیہی علاقوں کے 8000مقامات پر پروگرام دیکھنے کے لئے انتظامات کئے جانے کی جانکاری دی۔ ہر مقام پر 50 لوگوں کو دیکھنے کی سہولت ہوگی۔ لاک ڈاون کے دوران میں مرکزی اور ریاستی حکومتوں نے  پیاکیجس کا اعلان کیا ہے،  مگر کسی بھی اہل مزدور وغیرہ کو پہنچا نہیں ہے۔ گزشتہ سیلاب سے متاثرین کو ابھی تک معاوضہ ڈھنگ سے نہ  ملنے پر حکومت کی تنقید کی۔ اس موقع پر ضلع صدر بھیمنانائک، ایس کے بھاگوت،ششما ریڈی، سنتوش شٹی موجود تھے۔

ایک نظر اس پر بھی

کورونا سے متاثرہ لوگوں کو بھٹکل ویمن سینٹر کیا گیا شفٹ؛ مزید بستروں کی ہوگی ضرورت

بھٹکل ویمن سینٹر کو کوویڈ۔19 سینٹر میں منتقل کرنے کے بعد  آج اتوار کو بھٹکل سرکاری اسپتال سے تمام کورونا سے متاثرہ لوگوں کو منتقل کیا گیا۔ اس موقع پر قومی سماجی ادارہ مجلس اصلاح و تنظیم  بھٹکل کی جانب سے محمد صادق مٹا  موجود تھے۔ انہوں نے بتایا کہ کل سنیچر رات کو سونارکیری ...

سنڈے لاک ڈاون؛ بھٹکل میں مکمل خاموشی، راستوں کی چہل پہل مکمل بند؛ بازاراور دکانوں پر نظر آئے تالے

ریاست کرناٹک میں  کورونا کے  معاملات میں  روز بروز اضافہ کو دیکھتے ہوئے  ریاستی حکومت نے سنڈے لاک ڈاون کا اعلان کیا تھا، جس کے تحت کل سنیچر شام پانچ بجے سے کل پیر صبح پانچ بجے تک  مکمل لاک ڈاون  نافذ کیا گیا ہے، جس کے دوران آج بھٹکل  کی سڑکیں خاموش رہیں، عوامی چہل پہل مکمل بند ...

مینگلور کے قریب بنٹوال میں مکانوں پر پہاڑی کھسک گئی؛ دو معصوم جاں بحق

گذشتہ دس دنوں سے جاری موسلادھار بارش کے دوران آج اتوار کو  قریبی علاقہ بنٹوال کے بنگلاگُڈے میں  ایک پہاڑی کھسک کر تین   مکانوں پر گرنے سے تینوں  مکان زمین بوس ہوگئے  بتایا گیا ہے کہ دوپہر کو جس وقت یہ حادثہ پیش آیا،  ایک مکان میں دو  بچے آرام کررہے تھے، مکان  گرنے سے دونوں ...

اُترکنڑا میں بھٹکل کے 9لوگوں سمیت 23 لوگوں کی رپورٹ آئی پوزیٹیو؛ مینگلور اسپتال میں بھی بھٹکلی خاتون کی رپورٹ پوزیٹیو آنے کی خبر

ضلع اُترکنڑا میں کورونا کے مزید معاملات آج اتوار کو بھی سامنے آئے ہیں جس میں بھٹکل کے بھی 9 معاملات شامل ہیں۔ ذرائع سے ملی اطلاع کے مطابق  کمٹہ سے 5، منڈگوڈ  اور ہلیال سے 3، 3، انکولہ، کاروار، سرسی سے ایک ایک کی رپورٹ کورونا پوزیٹو آئی ہے۔

بھٹکل:کورونا سے متاثرہ لوگ سونارکیری اسکول سے ویمن سینٹر منتقل؛ جےڈی نائیک سمیت کئی لیڈران کی رپورٹ آنی باقی

بھٹکل میں  کورونا کے تیسرے حملے میں جہاں ایک طرف دو لوگ جاں بحق ہوگئے وہیں   اب تک  بھٹکل میں 63 لوگ کورونا سے متاثر پائے گئے ہیں، بھٹکل کی ایک معروف  شخصیت مینگلور اسپتال میں ایڈمٹ ہیں تو دیگر لوگ بھٹکل سونارکیری اسکول اور بھٹکل تعلقہ سرکاری اسپتال میں داخل کئے گئے تھے ۔ اب ...

آج 16 پوزیٹیو آنے والوں میں تین دبئی سے اور آٹھ وجے واڑہ سے لوٹے لوگ شامل

بھٹکل کے آج جن 16 لوگوں کی رپورٹ کورونا  پوزیٹیو آئی ہے، اُن میں سے تین لوگ دبئی سے آئے ہوئے لوگ ہیں، آٹھ لوگ وجئے واڑہ ،  تین لوگ  اُترپردیش  اور مہاراشٹرا سے لوٹا ہوا ایک شخص بھی آج کی لسٹ میں شامل ہیں۔