شمالی کرناٹک میں سیلابی صورتحال کا جائزہ لینے کے پی سی سی سے دوٹیمیں تشکیل دی گئی ہیں۔دنیش گنڈوراؤ

Source: S.O. News Service | By Shahid Mukhtesar | Published on 8th August 2019, 11:14 AM | ریاستی خبریں |

بنگلورو،7/اگست(ایس او نیوز) شمالی کرناٹک کے علاقوں میں زور دار بارش سے رونما سیلابی صورتحال کی حقیقی وزمینی صورتحال سے واقفیت کیلئے کے پی سی سی کی جانب سے سابق ریاستی وزیر ایچ کے پاٹل اور کے پی سی سی کے کارگزار صدر ایشور کھنڈرے کی زیر قیادت ایک مطالعاتی معائنہ کار ٹیم تشکیل دی گئی ہے۔ یہ اعلان کے پی سی سی کے صدر دنیش گنڈوراؤ نے کیا۔ بروز منگل کوئنس روڈ پر واقع کے پی سی سی دفتر میں اخباری نمائندوں سے خطاب کرتے ہوئے انہوں نے کہا کہ بیلگاوی علاقوں میں ایچ کے پاٹل اور کلبرگی علاقوں میں ایشور کھنڈرے کی زیر قیادت ٹیمیں سیلاب زدہ علاقوں کا دورہ کرتے ہوئے حقیقی صورتحال کی رپورٹ تیار کریں گی۔ سیلاب زدہ علاقوں میں ریاستی حکومت سے کس قسم کے راحتی کام ہوئے اور عوامی مسائل کس طریقہ سے حل کرنے کی کوشش کی، جائزہ لیاجائے گا۔ انہوں نے کہا کہ اپوزیشن پارٹی میں رہتے ہوئے صرف سیاست کرنا ہمارا کام نہیں بلکہ عوام جن مسائل سے دوچار ہیں اس بارے میں ہم بھی حکومت کو واقف کروائیں گے۔ حکومت کے خلاف احتجاج نہیں کریں گے کیونکہ ایسے موقع پرسیاست نہیں کی جاسکتی، لیکن حکومت ایسے نازک موقع پر زیادہ فعال وسرگرم ہوناچاہئے۔ ہمیں امیدہے کہ حکومت کو سیلاب سے دو چار علاقوں میں خصوصی توجہ دیتے ہوئے عوام کو راحت پہنچائے گی۔دنیش گنڈوراؤ نے کہا کہ شمالی کرناٹک میں بھاری بارش سے شدید نقصانات ہوئے ہیں۔ایسی حالت میں مرکزی حکومت کو زیادہ سے زیادہ مالی امداد فراہم کرنا ہوگا۔ سوتیلا سلوک کرنے سے گریز کرنا ہوگا۔ مرکز اور ریاست میں ایک ہی پارٹی کی حکومتیں ہونے کی وجہ سے وزیراعلیٰ ایڈی یورپا کو چاہئے کہ وہ زیادہ فنڈ ریاست کو لائیں۔شمالی کرناٹک کے کئی علاقوں میں ریڈالرٹ جاری کیاگیاہے۔ ایسے موقع پر ریاست میں صرف وزیراعلیٰ ہیں۔ دیگر کوئی وزیر نہیں ہے۔افسروں پر بھروسہ کرتے ہوئے بیٹھ جانے سے کوئی بھی کام نہیں ہوئے۔ فوری طورپر کابینہ تشکیل دیتے ہوئے عوام کے مسائل حل کرنے پر ایڈی یورپا کو توجہ دینی ہوگی۔ اس موقع پر دنیش گنڈوراؤ نے کہا کہ گوکاک حلقہ کے پارٹی کارکن نے آج نااہل قرار دیئے گئے رمیش جار کی ہولی کے خلاف شکایت کی۔ پارٹی سے دغا اور دھوکہ کرنے والوں کو عوام سبق سکھانے کے لئے تیار ہیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔