آئی پی ایل: ٹی-20 کرکٹ میں آندرے رسل کا نیا کارنامہ، 300 وکٹیں مکمل

Source: S.O. News Service | Published on 13th October 2020, 9:00 PM | اسپورٹس |

شارجہ،13؍اکتوبر(ایس او نیوز؍ایجنسی) کولکتہ نائٹ رائیڈرز کے کیریبین آل راؤنڈر آندرے رسل نے ٹی 20 کرکٹ میں 300 وکٹیں مکمل کرلی ہیں۔ آندرے رسل نے پیر کے روز رائل چیلنجرز بنگلور کے خلاف آئی پی ایل 13 میچ میں دیودت پڈیکل کو آؤٹ کرنے کے ساتھ اپنی 300 ویں وکٹ مکمل کر لی۔ آندرے رسل ٹی 20 فارمیٹ میں 300 وکٹیں لینے والے دنیا کے 10 ویں بولر ہیں۔ انہوں نے یہ کام 337 ویں ٹی 20 میچ میں انجام دیا۔

اس فہرست میں ویسٹ انڈیز کے ڈوائن براوو 509 وکٹوں کے ساتھ سرفہرست ہیں جبکہ سری لنکا کے فاسٹ بالر لست ملنگا دوسرے نمبر پر ہیں۔ اس کے علاوہ ونڈیز کے سنیل نارائن (390 وکٹ)، جنوبی افریقہ کے عمران طاہر (380)، پاکستان کے سہیل تنویر (362)، بنگلہ دیش کے شکیب الحسن (354)، پاکستان کے شاہد آفریدی (339)، افغانستان کے راشد خان (317) اور پاکستان کے وہاب ریاض (304) اس فہرست میں شامل ہیں۔

آندرے رسل نے بنگلور کے خلاف چار اوورز میں 51 رن دے کر ایک وکٹ حاصل کی تھی۔ رسل نے آئی پی ایل کے 71 ویں میچوں میں 27.36 کی اوسط سے 61 وکٹیں حاصل کی ہیں۔ کولکتہ اس میچ میں بنگلور کے ہاتھوں 82 رنز سے ہار گیا تھا۔

ایک نظر اس پر بھی

تمل ناڈو نے تیسری بار سیدمشتاق علی ٹرافی کا خطاب جیتا

دھماکہ خیز بلے باز شاہ رخ خان کی 15 گیندوں پر 33 رن کی زبردست اننگ کی بدولت تمل ناڈو نے یہاں پیر کو دہلی کے ارون جیٹلی اسٹیڈیم میں فائنل مقابلے میں کرناٹک کو چار وکٹ سے شکست دے کر تیسری بار سید مشتاق علی ٹرافی کاخطاب جیت لیا۔

ہندوستان کا کلین سویپ، نیوزی لینڈ کو 3-0 سے دی شکست

کپتان روہت شرما (56) کی شاندار نصف سنچری ، لیفٹ آرم اسپنر اکشر پٹیل (9 رن پر 3 وکٹ ) اور آل راؤنڈر ہرشل پٹیل (18 اور 26 رن پر دو وکٹ) کی بدولت ہندوستان نے نیوزی لینڈ کو تیسرے اور آخری ٹی ٹوئنٹی میں اتوار کو 73 رن سے ہراکر تین میچوں کی سیریز میں 3-0 سے کلین سویپ کر لیا۔