آئی پی ایل 2019:کولکاتہ نائٹ رائیڈرس نے تیز گیندباز مچل اسٹارک کا معاہدہ ختم کردیا 

Source: S.O. News Service | By Shahid Mukhtesar | Published on 15th November 2018, 12:29 PM | اسپورٹس |

سڈنی،15؍ نومبر (ایس او نیوز؍آئی این ایس انڈیا) آسٹریلیا کے تیز گیند باز مچل اسٹارک نے کہا کہ انڈین پریمیئر لیگ ٹیم کولکاتا نائٹ رائڈرس نے انہیں ٹیم سے ریلیز کر دیا ہے۔ انہیں اس کی معلومات ٹیم کے مالکان کی جانب سے ایس ایم ایس کے ذریعہ ملی۔سال 2018 کی نیلامی کے سب سے مہنگے کھلاڑیوں میں سے ایک اسٹارک دائیں پاؤں میں فریکچر کی وجہ سے آئی پی ایل کے پورے سیشن میں نہیں کھیل پائے تھے انہوں نے کہا کولکاتہ کے ٹیم مالکان کی جانب سے دو دن پہلے مجھے ایس ایم ایس ملا جس میں کہا گیا کہ میرامعاہدہ ختم کردیا گیا ہے۔ فی الحال اپریل میں میرے پاس کوئی معاہدہ نہیں ہے۔اسٹارک کے ریلیزکی اصل وجہ کا پتہ نہیں چلا ہے لیکن سمجھا جا تا ہے کہ 2019 میں ان کی دستیابی کو لے کر غیر یقینی صورتحال کی وجہ سے ایسا کیا گیا ہوگا۔کے کے آر نے اسٹارک کو 18 لاکھ آسٹریلین ڈالر میں خریدا تھا۔بعد میں ٹیم میں ان کی جگہ انگلینڈ کے فاسٹ بولر ٹام کرین نے لی۔امکان ہے کہ بائیں ہاتھ کا یہ تیز گیند باز شاید آئی پی ایل کے 2019 سیشن کی کھلاڑیوں کی نیلامی کے لئے خود کو دستیاب نہ رکھ سکے۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...