کولار: رابعہ قتل کے معاملے کو لے کر ایس ڈی پی آئی کا احتجاجی دھرنا

Source: S.O. News Service | Published on 14th September 2021, 12:27 PM | ریاستی خبریں |

کولار،14؍ستمبر(ایس او نیوز؍ظہیرعالم) حال ہی میں دہلی میں رابعہ نامی لڑکی جو محکمہ پولیس میں خدمات انجام دے رہی تھی، کے ساتھ چند شر پسند لوگوں نے اجتماعی عصمت دری کرکے قتل کردئے جانے کی واردات ہوئی اور وہاں کی سرکار اور محکمہ پولیس اس واردات پر پردہ ڈال کر خاموش ہوگئی۔اس کی مذمت کرتے ہوئے کولار ضلع ایس ڈی پی آئی کی جانب سے کولار تحصیلدار آفس کے سامنے احتجاجی دھرنادیاگیا۔احتجاجیوں نے مرکزی حکومت اور دہلی حکومت کے ساتھ وہاں کی پولیس کی بھی کڑی مذمت کی۔اس احتجاجی دھرنے سے خطاب کرتے ہوئے امام کونسل کے رکن مولاناعابد نے کہاکہ آج حکومتیں فرقہ پرستوں کو ہوادے رہی ہیں۔ایک سرکاری محکمہ پولیس میں رہنے والی مسلم خاتون کی بے دردی سے اجتماعی عصمت دری کے بعد قتل کیاگیاہے،مگر حکومتیں خاموش ہیں،کیونکہ یہ لڑکی مسلمان ہے۔مسلمانوں کے ساتھ اس طرح کا برتاؤآخر کب تک برداشت کرتے رہیں گے۔ ہمارے خاموش رہنے کا مطلب یہ نہیں کہ مسلمان کمزور ہیں۔اس احتجاج سے دہلی حکومت کو تحصیلدار کے ذریعے میمورنڈم روانہ کیاگیااور مطالبہ کیاکہ جلد از جلد رابعہ کو انصاف دلایاجائے۔اس احتجاج کی قیادت ضلع ایس ڈی پی آئی کے صدر شاہ اوز نے کی۔ا س احتجاج میں ضلع وتعلقہ کے تمام عہدیداروں کے ساتھ سابق کونسلر شفیع اللہ،باباجان،کونسلر خواجہ حسین اور رحمت نگر کے قمر وغیرہ شریک تھے۔

ایک نظر اس پر بھی

بنگلورو سمیت سرسی، بیندور اور ریاست کے مختلف مقامات پر پٹرول ، ڈیزل سمیت ضروری اشیاء کی قیمتوں میں اضافے کے خلاف کانگریس کا تانگہ ، بیل گاڑی جوتتے ہوئے احتجاج

پٹرول، ڈیزل ، پکوان گیس ، پکوان تیل سمیت کئی ایک ضروری اشیاء کی قیمتوں میں مسلسل اضافے کے خلاف کانگریس لیڈر اور حزب مخالف لیڈر سدرامیا اور کے پی سی سی صدر ڈی کے شیو کمار کانگریس کے ارکان اسمبلی کےساتھ بنگلورو میں تانگہ سواری کرتےہوئے ودھان سودھا پہنچتے ہوئے اپنے احتجاج کو درج ...

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

کرناٹک بی جے پی آر ایس ایس کی کٹھ پتلی، اسی کے حکم پر عمل کر رہی ہے: سدارمیا

  کرناٹک میں قائد حزب اختلاف  سدارمیانے کہا ہے کہ وزیر اعلیٰ بومئی سمیت پوری حکومت آر ایس ایس کی کٹھ پتلی کی طرح برتاؤ کر رہی ہے اور اسی کے حکم پر عمل کر رہی ہے۔ انہوں نے کہا کہ کرناٹک کے وزیر اعلیٰ بسوراج بومئی کو جمہوریت اور پارلیمانی نظام حکومت پر کوئی یقین نہیں ہے۔ انہوں نے ...

کرناٹک حکومت تیسری لہر کے لیے مستعد، 20 فیصد بیڈ بچوں کے لیے مختص

داکٹر سدھاکر نے بتایا کہ ماہرین پر مشتمل ٹیکنیکل ایڈوائزری کمیٹی کی تجویز پر بچوں کو کووڈ  کی ممکنہ تیسری لہر کے دوران زیادہ خطرے کے پیش نظر حکومت نے سرکاری اور نجی سطح پر 25870 آکسیجن سپورٹ بیڈ اور 502 پیڈیاٹرک وینٹی لیٹر تیار کیے ہیں۔