ہندوستان نے پہلے ٹی ٹوئنٹی میچ میں آئرلینڈ کو 7 وکٹوں سے دی شکست

Source: S.O. News Service | Published on 27th June 2022, 10:01 PM | اسپورٹس |

ڈبلن،27؍جون (ایس او نیوز؍ایجنسی) کپتان ہاردک پانڈیا (1 وکٹ اور 24 رن) کی آل راؤنڈ کارکردگی کی بدولت ہندوستان نے اتوار کو پہلے ٹی ٹوئنٹی میں آئرلینڈ کو سات وکٹوں سے شکست دی۔ بارش کی وجہ سے میچ تاخیر سے شروع ہوا اور آئرلینڈ نے ہندوستان کے سامنے 12 اوورز میں 109 رنز کا ہدف دیا جسے ہندوستان نے 9.2 اوورز میں حاصل کر لیا۔ ہندوستان کی جانب سے پہلی بار اننگز کا آغاز کرنے والے دیپک ہڈا نے 47 رنز بنائے۔ ہڈا نے اپنی 29 گیندوں کی اننگز میں چھ چوکے اور دو چھکے لگائے۔ اوپنر ایشان کشن نے 11 گیندوں میں تین چوکوں اور دو چھکوں کی مدد سے 26 رنز بنائے۔

پہلی بار ہندوستانی ٹیم کی کپتانی کرنے والے ہاردک پانڈیا نے بہترین کارکردگی کا مظاہرہ کرتے ہوئے پہلے آئرلینڈ کی جانب سے وکٹ حاصل کی اور پھر ہدف کا تعاقب کرتے ہوئے 12 گیندوں میں ایک چوکے اور تین چھکوں کی مدد سے 24 رنز بنائے۔ آئرلینڈ کی جانب سے کریگ ینگ نے دو اوورز میں 18 رنز دے کر دو وکٹیں حاصل کیں جبکہ جوشوا لٹل نے 2.2 اوورز میں 39 رنز دے کر ایک وکٹ حاصل کی۔

اس سے قبل آئرلینڈ نے ہیری ٹییکٹر (33 گیندوں پر 64) کی دھماکہ خیز بلے بازی کی بدولت ہندوستان کے سامنے 109 رنز کا ہدف رکھا تھا۔ ہندوستان نے ٹاس جیت کر آئرلینڈ کو پہلے بیٹنگ کے لیے بلایا اور 22 رنز پر آئرلینڈ کی تین وکٹیں گرا دیں۔ کپتان اینڈریو بالبرنی بغیر کسی نقصان کے آؤٹ ہوئے جبکہ پال اسٹرلنگ نے چار اور گیرتھ ڈیلانی نے آٹھ رنز بنائے۔

اس کے بعد ہیری ٹییکٹر نے لورکن ٹکر کے ساتھ نصف سنچری شراکت داری کی۔ ٹکر نے 16 گیندوں پر دو چھکوں کی مدد سے 18 رنز بنائے۔ آئرلینڈ کے لیے سب سے زیادہ رنز بنانے والے ٹییکٹر نے 33 گیندوں میں چھ چوکوں اور تین چھکوں کی مدد سے 64 رنز بنا کر آئرلینڈ کو 12 اوورز میں 108 رنز تک پہنچا دیا۔ ہندوستان کی جانب سے یو جی چہل، ہاردک پانڈیا، بھونیشور کمار اور اویس خان نے ایک ایک وکٹ حاصل کی۔

ایک نظر اس پر بھی

کامن ویلتھ گیمز: ہندوستانی کھلاڑیوں نے نویں دن 4 طلائی سمیت 14 تمغے جیتے

انگلینڈ کے شہر برمنگھم میں کھیلے جا رہے کامن ویلتھ گیمز 2022 میں ہندوستانی کھلاڑی شاندار کارکردگی کا مظاہرہ کر رہے ہیں۔ کھیلوں کے نویں دن یعنی 6 اگست (ہفتہ) کو ہندوستان نے کل 14 تمغے جیتے، جن میں چار طلائی، تین چاندی اور سات کانسی کے تمغے شامل ہیں۔ اس کے علاوہ کرکٹ، ٹیبل ٹینس، ...

کامن ویلتھ گیمز: ہندوستانی پہلوانوں کا بہترین کارکردگی کا مظاہرہ، بجرنگ اور ساکشی نے جیتے طلائی تمغے

 ہندوستانی پہلوان کامن ویلتھ گیمز 2022 میں بہترین کارکردگی کا مظاہرہ کر رہے ہیں۔ خاتون پہلوان انشو ملک کے چاندی کا تمغہ جیتنے کے بعد پہلوان بجرنگ پونیا اور خاتون پہلوان ساکشی ملک ملک کے لیے طلائی تمغہ حاسل کیا۔ ہندوستان کے طلائی تمغے کی امید رکھنے والے سب سے بڑے پہلوان بجرنگ ...

ویٹ لفٹر لوپریت نے قومی ریکارڈ کے ساتھ کانسے کا تمغہ جیتا، ہندوستان کا 14واں تمغہ

 ویٹ لفٹر لوپریت سنگھ نے بدھ کے روز 109 کلوگرام زمرے میں کانسے کا تمغہ جیتا جس کے بعد دولت مشترکہ کھیل 2022 میں ہندوستان کے تمغوں کی کل تعداد 14 ہو گئی۔ لوپریت نے اسنیچ میں 163 کلوگرام اور کلین اینڈ جرک میں 192 کلوگرام کی کوشش کے ساتھ مجموعی طور پر 355 کلو گرام کا وزن ریکارڈ کیا۔ انہوں نے ...