آئی سی سی ٹی 20 رینکنگ میں دوسرے نمبر پر پہنچے کے ایل راہل

Source: S.O. News Service | By S O News | Published on 4th February 2020, 2:03 PM | اسپورٹس |

دبئی،03/فروری(آئی این ایس انڈیا) نیوزی لینڈ کے خلاف پانچ میچوں کی ٹی 20 بین الاقوامی سیریز میں شاندار کارکردگی کرنے والے ہندوستان کے اوپنر لوکیش راہل پیر کو جاری آئی سی سی ٹی 20 رینکنگ میں دوسرے نمبر پر پہنچ گئے۔راہل نے اس سیریز میں وکٹ کیپر کا کردار ادا کرنے کے علاوہ دو نصف سنچری کے ساتھ 224 رنز بنا کر ٹیم کو 5-0 سے سیریز جتانے میں اہم کردار ادا کیا۔پاکستان کے بابر اعظم رینکنگ میں ٹاپ پر برقرار ہیں جبکہ محدود اوورز کے ہندوستانی نائب کپتان روہت شرما بھی ٹاپ 10 میں جگہ بنانے میں کامیاب رہے۔کپتان وراٹ کوہلی نویں نمبر پر ہیں۔دیگر ہندوستانی بلے بازوں میں شریس ایئر (63 مقام کی بہتری کے ساتھ 55 ویں) اور منیش پانڈے (12 مقام کی بہتری کے ساتھ 58 ویں) بھی تازہ ترین رینکنگ کو بہتر بنانے میں کامیاب رہے۔گیند بازوں کی درجہ بندی میں جسپریت بمراہ 26 ویں مقام کی بہتری کے ساتھ 11 ویں نمبر پر پہنچ گئے۔  چہل 30 ویں نمبر پر پہنچ گئے۔سیریز میں آٹھ وکٹ لینے والے شاردل ٹھاکر نے درجہ بندی میں 57 نمبر پر پہنچ گئے ہیں۔ نودیپ سینی (25 مقام کی بہتری کے ساتھ 71 ویں نمبر پر) اور روندر جڈیجہ (34 مقام کی بہتری کے ساتھ 76 ویں نمبر پر) کی رینکنگ میں بھی بہتری ہوئی ہے۔ نیوزی لینڈ کے کپتان کین ولیمسن نے سیریز میں 160 رن بنائے جس سے ان کی رینکنگ 23 ویں سے 16 ویں مقام پر پہنچ گئی۔بلے بازوں کی فہرست میں ٹم سیفر ٹ (73 ویں سے 34 ویں) اور راس ٹیلر (50 ویں سے 39 ویں) نے بھی درجہ بندی میں اصلاح کیا۔گیند بازوں کی فہرست میں لیگ اسپنر کے ایش سوڑھی چھ مقام کی بہتری کے ساتھ 13 ویں نمبر پر پہنچ گئے۔

ایک نظر اس پر بھی

نیوزی لینڈ کو 372 رنز سے شکست، ہندوستان نے گھریلو میدان پر لگاتار 14ویں ٹیسٹ سیریز جیتی

آف اسپنر روی چندرن اشون اور جینت یادو کے چار چار وکٹوں کی بدولت ہندوستان نے دوسرے کرکٹ ٹسٹ میچ کے صبح کے سیشن میں نیوزی لینڈ کو 167 رنز پر ٖڈھیر کرنے کے بعد 372 رنز سے شکست دے کر دو میچوں کی سیریز 1-0 سے جیت لی۔

اعجاز پٹیل کے ’پرفیکٹ 10‘ کے بعد نیوزی لینڈ کی پوری ٹیم 62 رن پر آؤٹ

ورلڈ ٹیسٹ چمپئن نیوزی لینڈ کی ٹیم اپنے بائیں ہاتھ کے اسپنر اعجاز پٹیل کی ہندوستانی اننگ میں تمام دس وکٹیں لینے کی شاندار کارکردگی سے تحریک نہیں لے سکی اوراس کےبلے بازوں نے ہندوستانی گیندبازوں کے سامنے یہاں دوسرے اور آخری ٹسٹ میچ کے دوسرے دن ہفتہ کو محض 62 رن پر گھٹنے ٹیک دئے۔

ممبئی ٹیسٹ: اعجاز پٹیل نے ایک اننگ میں 10 وکٹ لے کر رقم کی تاریخ، ایسا کرنے والے دنیا کے تیسرے گیندباز

نیوزی لینڈ کے گیندباز اعجاز پٹیل نے کسی ٹیسٹ میچ کی ایک اننگ کے تمام 10 وکٹ حاصل کر کے تاریخ رقم کر دی ہے۔ اعجاز پٹیل ایسا کرنے والے نیوزی لینڈ کے پہلے اور دنیا کے تیسرے گیند باز ہیں۔ اعجاز سے پہلے یہ کارنامہ انیل کمبلے اور جیم لیکر انجام دے چکے ہیں۔

تمل ناڈو نے تیسری بار سیدمشتاق علی ٹرافی کا خطاب جیتا

دھماکہ خیز بلے باز شاہ رخ خان کی 15 گیندوں پر 33 رن کی زبردست اننگ کی بدولت تمل ناڈو نے یہاں پیر کو دہلی کے ارون جیٹلی اسٹیڈیم میں فائنل مقابلے میں کرناٹک کو چار وکٹ سے شکست دے کر تیسری بار سید مشتاق علی ٹرافی کاخطاب جیت لیا۔