شاہ سلمان کی جدید تاریخی مواد کوشامل نصاب کرنے کی  ستائش 

Source: S.O. News Service | Published on 28th November 2019, 8:55 PM | خلیجی خبریں |

 ریاض/28نومبر (آئی این ایس انڈیا) خادم الحرمین الشریفین شاہ سلمان بن عبدالعزیز نے قومی تاریخ کو نصاب تعلیم میں شامل کرنے کی کوششوں کوسراہا ہے۔ انہوں نے مملکت میں تعلیم کی طرف توجہ دینے، عوامی تعلیم میں کنگ عبد العزیز فاؤنڈیشن برائے سوشل اسٹڈیز کورسز کو شامل کرنے، تعلیم کی ترقی وزارت تعلیم کے تعاون سے قومی تاریخ کو یونیورسٹیوں کے نصابی تعلیم میں شامل کرنے کا خیر مقدم کیا ہے۔ ان کا کہنا ہے کہ جدید قومی تاریخ کو نصاب تعلیم میں شامل کرنے سے ملک کے تاریخی ورثے کے تحفظ میں مدد ملے گی۔ محکمہ تعلیم کے بورڈ آف ڈائریکٹرز کے اجلاس کی صدارت کے دوران شاہ سلمان نے قومی تاریخ کو نصاب میں شامل کرنے کی کوششوں کو سراہا۔ اس موقعے پر ایجنڈے میں شامل دیگرموضوعات پر بھی تبادلہ خیال کیا گیا۔ اجلاس کے بعد تعلیمی شعبے کو مزید فعال بنانے کیلیے متعدد فیصلے کیے گئے۔ ان میں سعودی تاریخ کو ڈیجیٹل مواد میں تبدیل کرنے کی منظوری بھی شامل ہے۔کونسل نے شاہ عبدالعزیز فاؤنڈیشن کے وائس چیئرمین ولی عہد شہزادہ محمد بن سلمان کے زیراہتمام قومی تاریخی مطالعہ و ترقی اقدام کے نفاذ کی منظوری بھی دی، جس کا مقصد سعودی تاریخ کو اسکول کے نصابی تعلیم میں شامل کرنا ہے۔

ایک نظر اس پر بھی

یو اے ای : کووِڈ-19 کے 179 نئے کیسوں کی تصدیق

تحدہ عرب امارات نے سوموار کو کووِڈ-19 کے 179 نئے کیسوں کی اطلاع دی ہے اور اب ملک میں کل تصدیق شدہ کیسوں کی تعداد 62704 ہوگئی ہے جبکہ گذشتہ 24 گھنٹے میں کرونا وائرس کے کسی مریض کی وفات نہیں ہوئی ہے۔

شاہ عبدالعزیز لائبریری کا "چلڈرنز بُک کلب" ، منصوبے میں 15 ہزار سے زیادہ بچوں کا اندراج

ریاض میں واقع "شاہ عبدالعزیز لائبریری" کے منصوبے "چلڈرنز بُک کلب" کے لیے بچوں کی دل چسپی میں اضافہ ہو رہا ہے۔ اب تک مملکت کی سطح پر 15 ہزار سے زیادہ بچے اس منصوبے میں اپنا اندراج کرا چکے ہیں۔ ان بچوں کو مختلف نوعیت کی کتب ارسال کی جاتی ہیں۔ وہ ان کا مطالعہ کر کے کہانیوں ، افکار اور ...