مصر میں 24 گھنٹوں کے دوران کورونا سے 18 افراد ہلاک، 510 نئے معاملے آئے سامنے

Source: S.O. News Service | Published on 18th May 2020, 12:46 PM | عالمی خبریں |

قاہرہ،18؍مئی (ایس او نیوز؍ایجنسی) مصر میں گزشتہ 24 گھنٹوں کے دوران کورونا وائرس (كووڈ -19) کے 510 نئے کیسز سامنے آئے ہیں، جس سے متاثرین کی مجموعی تعداد 12 ہزار کا ہندسہ پار کرکے 12229 ہو گئی ہے۔ مصر کی وزارت صحت کے ترجمان خالد مجاہد نے اتوار کو ایک بیان میں کہا کہ اس دوران 18 افراد کی ہلاکت سے اس وبا سے مرنے والوں کی تعداد بڑھ کر 630 ہو گئی ہے۔

اس درمیان، کورونا وائرس سے متاثر 222 مریضوں کو ٹھیک ہونے کے بعد اسپتال سے چھٹی دے دی گئی، وزارت کے مطابق ملک میں اب تک 3172 افراد مکمل طور اس وبا سے شفایاب ہو چکے ہیں۔ خالد مجاہد نے كووڈ -19 کے کیسز کا پتہ لگانے اور ضروری طبی دیکھ بھال کے حوالہ سے عالمی ادارہ صحت اور مصر کے درمیان مضبوط تعاون اور رابطوں کا بھی ذکر کیا۔

مصرمیں رمضان المبارک کے مقدس مہینے کے دوران روزانہ رات میں نو گھنٹے کے لئے کرفیو لاگو کیا جاتا ہے۔ اس کے بعد 24 مئی سے چھ دنوں کے لئے کرفیو کی مدت کو بڑھا کر 13 گھنٹے کر دیا جائے گا۔ ملک میں 30 مئی سے دو ہفتے کے لئے کرفیو کی مدت کو کم کرکے 10 گھنٹے کر دیا جائے گا۔

مصر کے وزیر اعظم مصطفی ماڈبولی نے ایک پریس کانفرنس میں کہا کہ رمضان المبارک کے دوران تمام مالز، دکانوں، ریسٹورنٹ، پبلک پارک اور بیچ کے علاوہ نقل و حمل کے تمام ذرائع پر پابندی جاری رہے گی۔ قابل غور ہے کہ مصر میں کورونا وائرس کا پہلا کیس 14 فروری کو سامنے آیا تھا، جبکہ آٹھ مارچ کو ملک میں اس وبا سے پہلی موت ہوئی تھی۔ مصر میں حکومت آہستہ آہستہ مرحلہ وار طریقے سے پابندیوں کو ہٹا کر کئی قسم کی اقتصادی سرگرمیوں کا آغاز کرنے کی اجازت دے رہی ہے۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

عراق: فضائی حملے میں دو فوجی اور دو دہشت گردوں کی موت

عراق کے صوبہ نینوا اور دييالہ میں پیر کو ایک فضائی حملے اور ایک بم دھماکے میں دو فوجی ہلاک ہو گئے جبکہ دو دہشت گرد بھی مارے گئے۔ عراق کے جوائنٹ آپریشن کمانڈ کے میڈیا آفس نے ایک بیان میں بتایا کہ ایک حملہ میں دوعراقی فوجی ہلاک اور دو دیگر زخمی ہو گئے۔

انگلینڈ میں لاک ڈاؤن میں نرمی، 10 ہفتوں بعد کھلے اسکول

10 ہفتوں کے بعد برطانیہ کے انگلینڈ ریجن میں لاک ڈاؤن کے بعد اسکول کھول دیئے گئے، مگر نصف کے قریب والدین نے اپنے بچوں کو اسکول بھیجنے سے گریز کیا ہے۔ برطانوی حکومت نے گزشتہ روز لاک ڈاؤن میں نرمی کرنے کا اعلان کیا تھا جس میں اسکولوں کا کھولا جانا بھی شامل تھا، کچھ علاقوں میں ...