’کھیلا ہوبے‘ نعرہ ملک بھر میں گونج رہا، یہ جذبہ برقرار رہنا چاہیے: ممتا بنرجی

Source: S.O. News Service | Published on 2nd August 2021, 11:48 PM | ملکی خبریں |

کولکاتا،2؍اگست (ایس او نیوز؍ایجنسی) وزیر اعلیٰ ممتا بنرجی نے ہر سال 16 اگست کو ’کھیلا ہوبے دیوس‘ منانے کا اعلان کرتے ہوئے کہا ہے کہ یہ نعرہ آج ملک کا سب سے مقبو ل نعرہ ہے۔ پارلیمنٹ سے لے کر مختلف ریاستوں میں یہ نعرہ گونج رہا ہے۔ وزیرا علیٰ ممتا بنرجی نے آج نیتاجی انڈور اسٹیڈیم میں ’کھیلاہوبے پروجیکٹ‘ کا افتتاح کیا۔

قابل ذکر ہے کہ بنگال اسمبلی انتخابات کے دوران ’کھیلا ہوبے‘ ترنمول کانگریس کا سیاسی نعرہ تھا۔ یہ نعرہ اسمبلی انتخابات کے دوران کافی مقبول ہوا۔ممتا بنرجی نے ’کھیلا ہوبے‘ کے نعرے کی مقبولیت کا ذکر کرتے ہوئے کہا کہ کھیل کے بغیر زندگی نہیں چلتی ہے۔ روایات، ثقافت اور اچھی صحت کھیلوں کے ذریعے ہوتی ہے۔ جاپان میں اولمپکس بھی جاری ہے۔ یہ نعرہ کھیلا ہوبے کو برقرار رکھنے کی ضرورت ہے۔ اس نعرے کو مختلف کھیلوں اور پروگراموں کے ذریعے نافذ کرنا ہوگا۔ یہ نعرہ اتنا مشہور ہے کہ جب میں الیکشن کے دوران سیاسی جلسوں میں جاتی تھیں تو یہ نعرے گونجتے تھے۔

خیال رہے کہ ایک طرف ممتا بنرجی بنگال میں ’کھیلا ہوبے‘ کا نعرہ بلند کررہی ہیں تو دوسری طرف تریپورہ میں ابھیشک بنرجی نعرہ دے رہے تھے ’بی جے پی کا کھیل ختم‘۔ ممتا بنرجی نے کہاکہ یہ نعرہ دوسری ریاستوں میں بھی گونجے گا۔بنگا ل کے لوگ کھیل سے بہت محبت کرتے ہیں، یاد رکھیں یہ بنگال کا فخر ہے۔ یہ کھیل آنے والے دنوں میں ملک بھر میں کھیلا جائے گا۔ آپ کو کھیل کو آگے لے جانا ہے۔

وزیراعلیٰ نے اعلان کیا کہ اب سے ہر سال 16 اگست کو ’کھیلا ہوبے دیوس‘ منایا جائے گا۔ انہوں نے کہا کہ اس دن کھیل کے ایک واقعے میں بہت سے لوگ ہلاک ہوگئے تھے۔اس واقعہ کی یاد میں پہلے کئی پروگرام ہوتے تھے۔ مگر ادھر آکر یہ سلسلہ بند ہوگیا۔ اب ہر سال 16 اگست کو یہ دن کھیلا ہوبے دیوس کے طور پر منایا جائے گا۔ یہ کھیلوں کی دنیا میں ہلچل مچا دے گا۔ میں غریب کلبوں کو 1 لاکھ گیندیں دوں گی۔ ممتا بنرجی نے سابق اداکارہ شبانہ اعظمی اور گیت کار جاوید اختر سے دہلی میں ملاقات کا حوالہ دیتے ہوئےکہا کہ میں نے ان سے کہا ہے کہ ’کھیلا ہوبے‘ پر ایک گانا لکھ دیں۔

آئی ایس ایل میں ایسٹ بنگال کی شرکت سے متعلق ممتا بنرجی نے کہا کہ کوئی فکر کرنے کی ضرور ت نہیں ہے، اس سال بھی آئی ایس ایل میں ایسٹ بنگال کھیلے گی۔ممتا بنرجی نے کہا کہ میں تو موہن بگان و ایسٹ بنگال کے ساتھ محمڈن اسپورٹنگ کلب کو بھی کھیلتا دیکھنا چاہتی ہوں۔

وزیرا علیٰ ممتا بنرج نے دیہی علاقوں میں ہیلتھ کی خدمات کو بہتر بنانے کا اعلان کرتے ہوئے کہا کہ چونکہ دیہی علاقوں میں ماہرین ڈاکٹروں کی کمی ہوتی ہے، اس وجہ سے مریضوں کو مشکلات کا سامنا کرنا پڑتا ہے۔ اس لئے انہوں نے ٹیلی میڈیسن پروجیکٹ کا اعلان کرتے ہوئے کہا کہ دیہی علاقے کے ڈاکٹرز فون کے ذریعہ ماہرین ڈاکٹروں کی خدمات حاصل کرسکتے ہیں۔ممتا بنرجی نے کہا کہ اس پروجیکٹ کے نفاذ کی وجہ سے دور دراز دیہات کے مریضوں کو بھی مکمل طور پر مفت خدمات ملیں گی۔ ٹیلی میڈیسن پروجیکٹ کو ریاست کے دیہی علاقوں کے تمام صحت مراکز پر لاگو کیا جائے گا۔ ماہر ڈاکٹروں سے مشورہ لے کر کسی بھی مریض کا علاج کیا جائے گا۔

ایک نظر اس پر بھی

صفائی مشین چوری معاملہ: الٰہ آباد ہائی کورٹ نے اعظم خان اور ان کے بیٹے عبداللہ اعظم کی گرفتاری پر لگائی روک

الٰہ آباد ہائی کورٹ نے آج سماجوادی پارٹی رکن اسمبلی اعظم خان اور ان کے بیٹے رکن اسمبلی عبداللہ اعظم کی گرفتاری پر روک لگا دی ہے۔ دونوں کے خلاف رامپور کے عظیم نگر تھانہ میں ایف آئی آر درج کرائی گئی تھی۔

بنگال ٹیچر بھرتی گھوٹالہ میں پارتھ چٹرجی سمیت 16 لوگ ملزم بنائے گئے، سی بی آئی نے کورٹ میں داخل کی پہلی چارج شیٹ

کروڑوں روپے کے مغربی بنگال اسکول سروس کمیشن (ڈبلیو بی ایس ایس سی) بھرتی گھوٹالے میں سی بی آئی نے جمعہ کو خصوصی عدالت میں اپنا پہلا فرد جرم داخل کیا۔ چارج شیٹ میں ریاست کے سابق وزیر تعلیم اور ٹی ایم سی کے جنرل سکریٹری پارتھ چٹرجی سمیت مجموعی طور پر 16 افراد کے نام ہیں۔ چٹرجی کا ...

کانگریس صدر عہدہ کے لیے ششی تھرور، ملکارجن کھرگے اور کے این ترپاٹھی نے بھرا نامزدگی کا پرچہ

کانگریس سنٹرل الیکشن کمیٹی کے چیئرمین مدھوسودن مستری نے صحافیوں سے بات چیت میں بتایا کہ جن تین امیدواروں نے صدر عہدہ کے لیے نامزدگی کا پرچہ داخل کیا ہے، ان میں ملکارجن کھرگے، ششی تھرور اور جھارکھنڈ کے کانگریس لیڈر کے این ترپاٹھی شامل ہیں۔

جبل پور ہائی کورٹ میں ایک خودکشی کے بعد وکلاء نے کورٹ احاطہ میں کی توڑ پھوڑ اور آگ زنی

جبل پور ہائی کورٹ میں وکیلوں نے آج خوب ہنگامہ کیا۔ دراصل وکیل اپنے ساتھی وکیل کی خودکشی سے مشتعل ہو گئے اور کورٹ احاطہ میں جم کر ہنگامہ کیا۔ خبروں کے مطابق جبل پور ہائی کورٹ کے ایک وکیل امت ساہو نے ضمانت میں جج کے ذریعہ برعکس تبصرہ کیے جانے کے بعد خودکشی کر لی تھی۔ اس کے بعد ...

نوئیڈا: اومیکس سوسائٹی پر جمعہ کے روز نوئیڈا اتھارٹی نے چلایا بلڈوزر، روتے بلکتے نظر آئے غیر قانونی تعمیرات والے مکین

جمعہ کے روز نوئیڈا واقع گرانڈ اومیکس سوسائٹی میں بلڈوزر چلائے جانے سے افرا تفری کا ماحول دیکھنے کو ملا۔ پولیس کی سخت سیکورٹی کے درمیان نہ صرف درختوں کو بلڈوزر کی مدد سے ہٹایا گیا، بلکہ فلیٹ کے باہر غیر قانونی تعمیرات کو بھی توڑا گیا۔ جب یہ غیر قانونی تعمیرات توڑے جا رہے تھے تو ...

آر بی آئی نے عام آدمی کو دیا جھٹکا! ریپو ریٹ میں چوتھی مرتبہ اضافہ، بینکوں سے قرض لینا پڑے گا مہنگا

عام لوگوں کو ایک بار پھر جھٹکا لگا ہے، کیونکہ آر بی آئی نے ریپو ریٹ میں 50 بیسس پوائنٹس (0.50 فیصد) اضافہ کیا ہے۔ اس کے بعد ریپو ریٹ 5.90 فیصد تک پہنچ گیا ہے۔ رپورٹ کے مطابق جمعہ کو ختم ہونے والی دو ماہانہ میٹنگ کے بعد ایک پریس کانفرنس کے دوران ریزرو بینک کے گورنر شکتی کانت داس نے ...