بھٹکل 6 ستمبر (ایس او نیوز) بھٹکل میں کورونا لاک ڈاون کے بعد اب چونکہ آہستہ آہستہ تمام سرگرمیوں کے لئے چھوٹ دی جارہی ہے، اس کے ساتھ ہی شہر میں ٹورنامنٹوں کا بھی انعقاد ہورہا ہے ۔ آج اتوار کو KHB کالونی میں والی بال ٹورنامنٹ کا خوبصورت آغاز ہوا۔
سمجھا جارہا ہے کہ کورونا لاک ڈاون کے بعد بھٹکل میں یہ پہلا والی بال ٹورنامنٹ ہے جس کا افتتاح قومی سماجی ادارہ مجلس اصلاح وتنظیم کے نائب صدر عتیق الرحمن مُنیری کے ہاتھوں ہوا۔
علاقہ کے ذمہ دار عرفان محتشم نے افتتاحی جلسہ کی صدارت کی۔ عبدالسلام رکن الدین، عثمان غنی، عبدالباقی کھروری، عبدالباسط معلم، ارشاد و دیگر کافی ذمہ داران اس موقع پر موجود تھے۔ بتایا گیا ہے کہ ٹورنامنٹ میں پانچ ٹیمیں حصہ لے رہی ہیں۔