منگلورو:5؍مارچ  (ایس اؤ نیوز)شہر کی ایک جیولری دکان  میں  گاہک کے روپ میں داخل ہونے والے  لٹیرے کو  دن دہاڑے زیورات لےکر فرار ہونےکی کوشش کے دوران  دکان مالک نے ہی اس کا پیچھا کرتےہوئے پکڑ کر پولس کے سونپنے کا واقعہ پیش آیا ہے۔

شہر کے رتھ روڈ پر ارون جی شیٹھ کی ملکیت والی ارون شیٹھ جیولری اینڈ ڈائمنڈ ورکس شاپ  کو جمعرات کی دوپہر 2بجے ایک لٹیرا ،گاہک کے روپ میں پہنچا۔گاہک کے روپ میں مختلف  زیورات کو دیکھنےکا ناٹک کیا۔ دکان مالک ارون شیٹھ دیکھنے کےلئے ایک زیور اس کو دیا تو وہ زیور لے کر وہا ں سے بھاگ نکلا۔ اسی وقت حرکت میں آئے دکان مالک نے  اس کا پیچھا کیا ، تھوڑی ہی دوری پر انہوں نے ملزم کو پکڑلیا۔ بھرے بازار  میں کچھ ہوتا دیکھ کر کافی لوگ بھی جمع ہوئے۔ سی سی ٹی وی کیمرےمیں پوری کہانی قید ہوئی ہے۔

اس کے بعد دکان مالک نے پولس تھانے میں شکایت درج کی تو پولس جائے وقوع پر پہنچ کر ملزم کو گرفتارکر لیا ۔ معاملے کو لےکر بندرپولس تھانے میں کیس درج کرلیاگیاہے۔دکان مالک ارون شیٹھ نے شبہ جتایا ہےکہ  ملزم شہر کی دیگر  دکانوں میں بھی ایسی ہی کرتوت انجام دیا ہوگا۔