ملاپورم(کیرلا):25؍جنوری(ایس اؤ نیوز) طبقات کے درمیان فرقہ وارانہ جذبات کو مشتعل کرنےکے الزام میں اُڈپی،چک مگلورو کی رکن پارلیمان شوبھا کرندلاجے کے خلاف کیرلا پولس نے شکایت درج کرلی ہے۔

ایم پی شوبھا کرندلاجے نے ٹیوٹر پر ’کیرلا اور ایک کشمیر ہورہاہے، ملاپور ضلع کی ایک پنچایت میں شہریت ترمیمی قانون کی حمایت کرنے والے ہندؤوں کو پانی سپلائی بند کیاگیا ہے‘۔ الزام عائد کرتے ہوئے ٹیوٹ کیاتھا۔ ٹیوٹ کے خلاف وکیل کے آر سبھاش چندرن نے شکایت درج کی تھی۔ جب کہ شوبھا کرندلاجے کے الزامی  ٹیوٹ کا  کوٹی پورم پنچایت نے  انکار کیا ہے۔ کیس درج ہونے کے متعلق شوبھا کرندلاجے نے کہاکہ کوٹی پورم پنچایت میں دلت خاندانوں  کے ساتھ ہونے والے تفریق کے متعلق کارروائی کرنے کے بجائے ، سچ بولنے پر میرے خلاف سی پی ایم حکومت نے کیس درج کیا ہے۔