تر وانت پورم ، 25/مئی (ایس او نیوز/ایجنسی) کیرالہ کے وزیر اعلیٰ پنارائی وجین  ریاست کے مکمل طور پر ای- گورننس ریاست کے طور پر ابھرنے کا جمعرات کو اعلان کریں گے۔

کیرالہ کا مکمل طور پر ای- گورنس ریاست کے طور پر ابھر نا علم پر مبنی معاشرے اور معیشت کے ساتھ100 فیصد ڈیجیٹل خواندگی حاصل کرنے کی طرف ایک اہم قدم ہے۔ یہ انوکھی کامیابی، جو کیرالہ کو پہلی مکمل طور یر خواندہ ہندوستانی ریاست بننے اور مکمل طور پر ای-خوانده معاشرہ بننے کیلئے اپنی تلاش شروع کرنے کے کئی دہائیوں بعد حاصل ہوئی ہے، سماج کوڈ یجیٹل  طور پر تبدیل کرنے کیلئے حکومت کے دور اندیش پالیسی اقدامات سے ممکن ہوا ہے۔

وزیر اعلیٰ جمعرات کی شام ساڑھے 4 بجے یہ تاریخی اعلان ریاستی دارالحکومت کے نیشا گاندھی آڈیٹوریم میں ایک تقریب میں کریں گے۔ لوگوں کو شفاف اور جامع بنا کر سرکاری خدمات کے تقسیم کو ڈیجیٹل کرنے کے علاوہ مکمل ای- گورننس  معاشرے کے تمام طبقات شامل کرنا بھی یقینی کرے گا جس میں کم مراعات یافتہ اور پسماندہ افراد شامل ہیں۔ یہ کامیابی جدید ترین ٹیکنالوجی اور پلیٹ فارمز کا فائدہ اٹھاتے ہوئے سرکاری خدمات کی پوری رینج کی آن لائن فراہمی کے قابل بناتی ہے۔

حکومت نے ای سیونم کے نام سے سنگل ونڈو سروس ڈیلیوری سسٹم بنایا ہے، جو800 سے زیادہ سرکاری خدمات آن لائن فراہم کرنے کا ایک ذریعہ ہے۔ سب کو خدمات کی شفاف اور تیز تر فراہمی کے وزیر اعلیٰ کے وژن کے مطابق ، ریاستی آئی ٹی مشن نے ای آفس فائل فلوسمیت ڈیجیٹل پلیٹ فارم اور اپلیکیشنز کا ایک سیٹ بھی بنایا ہے، جو اسے گاؤں کے دفتر کی سطح تک لے جارہا ہے۔ صحت، تعلیم، لینڈ ریونیو، جائیدادوں کی دستاویزات، عوامی تقسیم کا نظام اور سماجی تحفظ کی ادائیگیوں سمیت تمام بڑے ڈومینز کو کودور کرتے ہوئے تمام اہم خدمات کی فراہمی کو پہلے ہی ڈیجیٹائر ڈ کیا جاچکا ہے۔