کاپ،11؍جنوری (ایس او نیوز) مولور میں نیشنل ہائی وے 66 پر واقع ایک پٹرول بنک منیجر کے خلاف پولیس اسٹیشن میں کیس درج  کروایا گیا ہے کہ اس نے حساب و کتاب میں گھپلہ کرکے پٹرول بنک مالک کو 18 لاکھ روپے کا چونا لگایا ہے۔
    
پٹرول بنک مالک دیپک راج شیٹی نے دھوکہ دہی  کی جو شکایت درج کروائی ہے اس کے مطابق سوکھیش شیٹی پٹرول بنک پر بحیثیت منیجر مالیات سے متعلق معاملے سنبھال رہا تھا۔ بنک کی رقم کارڈ اور نقد کے ذریعے بینک میں جمع کروایا کرتا تھا۔ لیکن کمپنی کے ذمہ داروں کو جب پتہ چلا کہ حساب و کتاب میں فرق آرہا ہے تو انہوں نے مالک دیپک راج  کو اس کی اطلاع دی۔ 27 مئی کو جب سوکھیش شام کو پٹرول بنک گھر چلا گیا تو اس نے اپنا موبائل فون سوئچ آف کردیا۔ 28 مئی کو حساب و کتاب کی تفصیلی جانچ کی گئی تو اس میں 18لاکھ روپوں کو فرق نکلا ۔ دیپک راج کا الزام ہے کہ سوکھیش شیٹی نے پٹرول بنک کی رقم بینک اکاونٹ میں جمع کروانے کے بجائے اپنے ذاتی مقاصد کے لئے استعمال کیا ہے۔
    
دیپک راج شیٹی کی شکایت پر پولیس نے کیس درج کرلیا ہے۔ مزید تحقیقات جاری ہے۔