کشمیر: کورونا میں مبتلا ایک اور کی موت، اموات کی تعداد بڑھ کر 95 ہوئی

Source: S.O. News Service | Published on 29th June 2020, 2:58 PM | ملکی خبریں |

سری نگر،29؍جون(ایس او نیوز؍ایجنسی) جنوبی کشمیر کے ضلع شوپیاں سے تعلق رکھنے والے کورونا متاثرہ ایک 65 سالہ مریض کی موت واقع ہونے کے ساتھ جموں وکشمیر میں کورونا سے متعلق اموات کی تعداد بڑھ کر 95 ہوگئی ہے۔ شری مہاراجہ ہری سنگھ اسپتال سری نگر کے میڈیکل سپرنٹنڈنٹ ڈاکٹر نذیر چوہدری نے ایک مقامی خبر رساں ایجنسی کو بتایا کہ شوپیاں کے سوگن علاقے سے تعلق رکھنے والے 65 سالہ مریض کو یہاں 28 جون کو لایا گیا تھا اور اسی روز کورونا ٹیسٹ کے لئے اس کے نمونے لئے گئے تھے۔

ڈاکٹر نذیر چوہدری نے کہا کہ مریض سانس لینے میں دشواری، ہائپر ٹینشن اور دیگر عارضوں میں بھی مبتلا تھا اور رات کے قریب ڈیڑھ بجے وہ انتقال کر گئے۔ دریں اثنا اس مریض کی موت کے ساتھ جموں و کشمیر میں کورونا میں مبتلا ہوکر انتقال کرنے والوں کی مجموعی تعداد 95 ہوگئی ہے جن میں سے 84 کا تعلق کشمیر سے ہے جبکہ 11 صوبہ جموں سے تعلق رکھتے ہیں۔

وادی کشمیر میں ضلع سری نگر میں اب تک کورونا سے متعلق سب سے زیادہ 22 اموات درج ہوئی ہیں اور دوسرے نمبر پر ضلع بارہمولہ ہے جہاں اب تک پندرہ افراد کی اس وائرس میں مبتلا ہو کر موت واقع ہوئی ہے۔ ضلع کولگام میں تیرہ، شوپیاں میں گیارہ، بڈگام میں سات، اننت ناگ میں چھ کپوارہ میں پانچ، پلوامہ میں چار اور بانڈی پورہ میں ایک مریض کورونا میں مبتلا ہوکر داعی اجل کو لبیک کہہ گیا ہے۔

ایک نظر اس پر بھی

قندھار ہائیجیک کیس: ممبئی عدالت نے 19 ملزموں کو بری کردیا

 ممبئی سیشن عدالت نے،دسمبر 1999 میں نیپال کے دارالحکومت کھٹمنڈو سے دہلی جانے والے انڈین ایئرلائن   IC 814  کے طیارے کو اغوا  کرنے کے سلسلے میں ایک مقدمہ میں عبد اللطیف آدم مومن سمیت 19 افراد کو رہا کرنے کے لئے نچلی عدالت کے فیصلے کو برقرار رکھا ہے۔

راجستھان بحران : سچن پائلٹ کا 23 ممبران اسمبلی کی حمایت کا دعوی ، بی جے پی سے کیا رابطہ : رپورٹ

مدھیہ پردیش کے بعد اب راجستھان میں بھی کانگریس کی مشکلات بڑھ سکتی ہیں ۔ کہا جا رہا ہے کہ ایک مرتبہ پھر سے نائب وزیر اعلی سچن پائلٹ اور وزیر اعلی اشوک گہلوت کے درمیان تلواریں کھینچ گئی ہیں ۔

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔