کاسرگوڈ : آن لائن کھانا کھانے سے ہوئی موت کا معاملہ : کیا لڑکی نے خود کشی کی تھی ؟ - فورنسک رپورٹ سے ہوسکتا ہے زہر کا خلاصہ

Source: S.O. News Service | By I.G. Bhatkali | Published on 10th January 2023, 7:45 PM | ساحلی خبریں |

مینگلور 10/ جنوری (ایس او نیوز)  پڑوسی ریاست کیرالہ کے سرحدی ضلع  کاسرگوڈ کے مضافات میں واقع پیرامبالا بینور میں ہوٹل سے آن لائن منگوایا ہوا کھانا کھانے کے بعد انجوشری نامی طالبہ کی موت واقع ہونے کا جو معاملہ پیش آیا تھا اب اس میں نیا موڑ آگیا ہے اور پولیس کے بیان کے مطابق یہ ایک زہر کھا کر خود کشی کرنے کا معاملہ ہے ۔

    خیال رہے کہ یہ خبر عام ہوگئی تھی کہ بی کام کی طالبہ انجو شری 30 دسمبر کو ہوٹل سے منگوایا کھانا کھانے کے بعد بیمار ہوئی تھی اور فوڈ پوئزننگ کی وجہ سے چار پانچ دن بعد یعنی 7 جنوری کو اس کی موت واقع ہوئی تھی ۔ اس کے بعد پولیس نے ابتدائی کارروائی کے طور پر اس ہوٹل کا لائسنس منسوخ کروایا تھا جہاں سے کھانا منگوایا گیا تھا ۔

 پوسٹ مارٹم میں انجو شری کے جسم کے اندر زہر موجود ہونے کی بات سامنے آئی تھی اور پولیس نے شک ظاہر کیا تھا کہ شاید یہ زہر کھا کر خود کشی کرنے کا معاملہ ہو سکتا ہے ۔ طبی ماہرین کا کہنا ہے کہ اس کے پیٹ میں غذا کا زہر نہیں تھا بلکہ اس کے جسم میں موجود زہر کی وجہ سے اس کی آنتوں نے کام کرنا بند  کر دیا تھا اور اس کے جگر میں خرابی پیدا ہوئی تھی جس سے وہ یرقان (جوانڈیس) کا شکار ہوگئی تھی ۔

    اب پولیس نے انجوشری کے موبائل فون میں موجود جانکاری سے پتہ چلایا ہے کہ حال ہی میں کینسر کی وجہ سے موت کا شکار ہونے والا ویپن راج نامی نوجوان انجوشری کا دوست تھا اور انجو شری  اس کی موت سے دلبرداشتہ ہوگئی تھی ۔ پولیس کو ایک خط بھی ملا ہے جو مبینہ طور پر انجوشری کا لکھا ہوا ہے ۔ پولیس اس خط  میں موجود باتوں کا بھی جائزہ لے رہی ہے ۔ فورنسک جانچ کے لئے انجو شری کے اندرونی اعضاء کا جو سیمپل بھیجا گیا تھا اس کی رپورٹ دو ایک دن میں ملنے کی توقع ہے جس سے قطعی ثبوت مل جائے گا کہ کس قسم کا زہر اس نے کھایا تھا ۔ 

Related News:

کاسرگوڈ : آن لائن منگوایا گیا کھانا کھانے سے طالبہ کی موت

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...