کاسرگوڈ 26/جنوری (ایس او نیوز) یہاں کے ایڈیشنل سیشنس کورٹ نے چوتھی جماعت کی طالبہ کے ساتھ جنسی زیادتی کرنے والے ایک  ٹیچر کو 20سال قید بامشقت اور 25ہزار روپے جرمانے کی سز اسنائی ہے۔ اور جرمانہ ادا نہ کرنے کی صورت میں مزید 2سال کی سزا کاٹنے کا حکم دیا ہے۔

 بتایا جاتا ہے کہ سرکاری اسکول کے انفارمیشن ٹیکنالوجی سمارٹ کلاس روم میں چوتھی جماعت کی ۹ سالہ طالبہ کے ساتھ راجن پی نائیرعرف راجن ماسٹر (۴۵سال) نے 2018میں جنسی زیادتی کی تھی۔ راجا پورا پولیس اسٹیشن کے افسران نے معاملہ درج کیا تھا۔عدالت میں سماعت کے دوران جرم ثابت ہونے پر ملزم کو سزا سنانے کے علاوہ حکومت سے سفارش کی گئی ہے کہ متاثرہ نابالغ لڑکی کو 10لاکھ روپے کی امداد دی جائے۔