اُترکنڑا ڈپٹی کمشنر نے جاری کیا اعلامیہ؛ 23مئی کو ہونے والی ووٹوں کی گنتی کے موقع پر انتخابی مرکز میں موبائل فون اندر لے جانے پر پابندی

Source: S.O. News Service | By I.G. Bhatkali | Published on 21st May 2019, 3:36 PM | ساحلی خبریں | ان خبروں کو پڑھنا مت بھولئے |

کاروار 21/مئی (ایس او نیوز) اُترکنڑا لوک سبھا حلقہ کے انتخابات کے ووٹوں کی گنتی حسب سابق   کمٹہ  ڈاکٹر اے  وی بالیگا کالج میں  ہوگی، جہاں اس تعلق سے مناسب حفاظتی بندوبست کیا گیا ہے۔ جیسا کہ ہرکوئی واقف ہے، ووٹوں کی گنتی  23 مئی کو ہوگی۔ اس موقع پر  اُترکنڑا ڈپٹی کمشنر ڈاکٹر ہریش کمار  نے اعلامیہ جاری کرتے ہوئے کہا ہے کہ  ووٹوں کی گنتی کے مرکز میں موبائل لے جانے کی کسی کو بھی اجازت نہیں ہوگی۔ انہوں نے کہا کہ  الیکشن کمشنر نے حکم جاری کیا ہے کہ  کسی بھی سیاسی پارٹی کے لیڈران ہوں یا  اُن کے ایجنٹ یہاں تک کہ انتخابی اُمیداروں کو بھی  گنتی سینٹر میں موبائل لے جانے پر پابندی عائد کی گئی ہے۔

ڈپٹی کمشنر جو اُترکنڑا لوک سبھا حلقہ  کے انتخابی آفسر بھی ہیں نے بتایا کہ  انتخابی مرکز کمٹہ اے وی بالیگا کالج کے اطراف 200 میٹر کے فاصلے تک امتناعی احکامات نافذ ہیں۔ انتخابی مرکز کے اندر پہنچنے کے لئے  تین مراحل سے گذرنا پڑتا ہے جہاں الگ الگ ریاستوں کی پولس کی طرف سے سیکوریٹی کاسخت بندوبست کیا گیا ہے۔ انہوں نے ووٹوں کی گنتی مرکز میں داخل ہونے والے سیاسی پارٹیوں کے اُمیدواروں نیز ایجنٹوں  پر زور دیا  کہ وہ اس موقع پر الیکشن آفس سے جاری کردہ  اپنا شناختی کارڈ اپنے پاس ضرور رکھیں۔ انہوں نے یہ بھی بتایاکہ انتخابی مرکز میں داخل ہونا ہوتو صبح ٹھیک آٹھ بجے  ہی اندر جاسکیں گے، تاخیر سے پہنچنے پر اندر داخلہ نہیں ملے گا۔

ڈپٹی کمشنر ڈاکٹر ہریش کمار نے بتایا کہ  ضلع میں امن و امان کی بحالی  کے لئے ضلع بھر میں پیشگی اقدامات کے طور پر امتناعی احکامات نافذ کئے گئے ہیں، چونکہ  اُترکنڑا  فرقہ وارانہ طور پر حساس ضلع مانا جاتا ہے انہوں نے تمام سیاسی پارٹیوں پر زور دیا  کہ وہ ضلع کے لئے عائد خصوصی  قوانین پر بھی عمل کریں اور لاء  اینڈ آرڈر کو برقرار رکھنے کے ضلعی انتظامیہ کے ساتھ  پوری طرح تعاون کریں۔ انہوں نے سیاسی پارٹیوں کے لیڈران کو  اس بات کی بھی تاکید کی کہ وہ اپنے  کارکنوں کو مکمل  قابو میں رکھیں۔ اس موقع پر ایڈیشنل ضلعی کمشنر ناگراج سنگریر بھی موجود تھے۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...