کاروار: سیاحوں کے لئے اپنی منزل مقصود اور سفر کی تفصیلات محکمہ سیاحت کو فراہم کرنا ضروری ہوگا

Source: S.O. News Service | Published on 10th June 2020, 12:07 PM | ساحلی خبریں |

کاروار،10؍جون (ایس او نیوز) کورونا وباء کے مدنظر اب سیاحت کے لئے آنے والے تمام مسافروں کو اپنی منزل مقصود اور سفر کے دوران جن مقامات سے گزرنا ہے، ان سب کی تفصیل محکمہ سیاحت کے پاس ایک ڈکلریشن فارم میں درج کروانا ضروری ہوگا۔

 جو لوگ سڑک کے راستے سیاحت کے لئے نکلے ہیں ان کے ضروری ہوگا کہ وہ اپنے سفر کے راستے کی تمام تفصیلات واضح طورپر بیان کریں۔ اس سے سیاح کس مقام سے نکلے ہیں، کہاں سے گزریں گے اور کہاں تک سفر کرنے والے ہیں اس کی جانکاری محکمہ سیاحت کے پاس محفوظ ہوجائے گی۔اور ان تفصیلات سے محکمہ صحت اور پولیس کو باخبر رکھا جاسکے گا۔    

 محکمہ سیاحت کے ایک آفیسر نے بتایا کہ بیرون ریاست سے آنے والے لوگوں کے ذریعے کووِڈ کی وباء پھیلنے کا خدشہ رہتا ہے، ا س لئے ہم چاہتے ہیں کہ محکمہ پولیس اور محکمہ صحت کے پاس مناسب اور ضروی معلومات تیار ہیں۔اس طرح جانکاری جب ہمارے پاس ہوگی تو ہمارے لئے یہ پتہ لگانا آسان ہوجائے گا کہ کون لوگ کس کس کنٹینمنٹ علاقے سے گزر کر یہاں پہنچے ہیں۔اس کے علاوہ اگر کسی سیاح کی صحت خراب ہوجاتی ہے تو پھر اس سے رابطہ کرنے اور مناسب اقدام کرنے کے لئے بھی آسانی ہوجائے گی۔

 سیاحوں کے لئے اپنے سفر کی تفصیلات سیلف ڈکلریشن کے طور پر اَپ لوڈ کرنا ہوگا۔ ہوٹلوں کے اندر قیام کے وقت بھی یہ فارم بھرنا لازمی ہوگا۔سرکاری شناختی کارڈ بھی اپنے ساتھ رکھنا لازمی ہوگا۔ اگر کسی نے غلط جانکاری دی اور پھر اس کی طبیعت خراب ہوگئی تو اس پر ڈیسیاسٹر منیجمنٹ ایکٹ اور آئی پی سی کی دفعات کے تحت قانونی کارروائی کی جائے گی۔

ایک نظر اس پر بھی

بھٹکل کا نوجوان اُدیاور میں ہوئے سڑک حادثہ میں شدید زخمی؛ علاج کے لئے مالی تعاون کی اپیل

بھٹکل مخدوم کالونی کا ایک نوجوان اُڈپی کے اُدیاور میں سڑک حادثہ میں شدید زخمی ہوا ہے اور اسے منی پال کستوربا اسپتال شفٹ کیا گیا ہے، نوجوان کی مالی حالت کمزور ہونے  کی وجہ سے علاج کے لئے  قریب تین لاکھ  روپیوں کی فوری ضرورت ہے۔ نوجوان کی شناخت سمیرسوکیری (34) کی حیثیت سے کی گئی ...

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

بھٹکل میں الحاج محی الدین مُنیری کے نام سے موسوم ہائی ٹیک ایمبولنس کا خوبصورت افتتاح

   یہاں نوائط کالونی میں  دبئی کے معروف تاجر جناب عتیق الرحمن  مُنیری کی طرف سے ان کے والد مرحوم الحاج محی الدین مُنیری کے نام سے منسوب ایک ہائی ٹیک ایمبولنس کا خوبصورت افتتاح عمل میں آیا جس میں بھٹکل کی سرکردہ شخصیات سمیت علماء و عمائدین   موجود تھے۔