کاروار:28؍مارچ (ایس او نیوز)شیواجی آرٹس، کامرس اینڈ بی سی اے ڈگری کالج کا سالانہ جلسہ 27مارچ کو منعقد ہوا۔ جس میں شیواجی تعلیمی ادارے باڑ کاروار کے انتظامیہ آفیسر بھاسکر نائک مہمان خصوصی کے طورپر شریک ہوکر طلبا سے خطاب کیا۔
کالج کی پرنسپال ڈاکٹر انورادھا نائک نے جلسہ کی صدارت کی۔ پروفیسر جے ایم رانے نے کالج رپورٹ کی خواندگی کی۔ پروفیسر بھاگیہ شری نے کھیل رپورٹ کو پیش کیا۔ جلسہ میں ثقافتی ، کھیل اور تعلیمی سطح پر بہترین کارکردگی کا مظاہر ہ کرنےو الے طلبا کے درمیان انعامات کی تقسیم ہوئی۔ آخر میں طلبا جنرل سکریٹری ذیشان خان نے شکریہ اداکیا۔ جلسہ میں کئی ذمہ دار موجود تھے۔
طلبا کو معاشی امداد : شیواجی ڈگری کالج اورپریم آشرم چارٹیبل ٹرسٹ کی طرف سے 28مارچ کو کا لج میں زیر تعلیم15 پی یوسی اور 15ڈگری کالج کے کل 30غریب طلبا کے درمیان وظائف کے طورپر معاشی امداد دی گئی ۔ پریم آشرم کے انیل گاؤنکر نے پروگرام کی صدارت کرتے ہوئے غریب پیدا ہونا غلط نہیں ہےلیکن غریب ہی رہنا غلط ہونے کی بات کہی۔ پرنسپال ڈاکٹر انورادھا نائک نے استقبال کیا تو پروفیسر اے سی گاؤنکر نے شکریہ اداکیا۔ تاراناتھ ہری کنتر نے نظامت کی۔