کاروار 29/جون (ایس او نیوز) کاروار کے ماجالی نیشنل ہائی وے پر ہوئے ایک بھیانک سڑک حادثہ میں تین لوگوں کی موقع پر ہی موت واقع ہوگئی جب ان کی کار تیز رفتاری کے ساتھ  سڑک کنارے واقع ایک بجلی کے کھمبے سےٹکراگئی۔

ذرائع سے ملی اطلاع کے مطابق سویفٹ کار گوا سے کاروار کی طرف آرہی تھی کہ  غالباً تیز رفتاری کے باعث ڈرائیور کے ہاتھوں بے قابو ہوگئی اور سیدھے ایک بجلی کے کھمبے سے جاٹکرائی۔ ٹکر اتنی شدید تھی کہ  کار کے پرخچے اُڑ گئے اور کار پر سوار تینوں لوگ موقع پر ہی چل بسے۔

مرنے والوں کی شناخت  شمبو (28)، ناگیندرا (33) اور شری نواس (40) کی حیثیت سے کی گئی ہے۔

چیتا کول پولس تھانہ میں معاملہ درج کیا گیا ہے ، پولس مزید چھان بین کررہی ہے۔