کاروار:12؍دسمبر(ایس اؤ نیوز)تعلقہ کے کُرنی پیٹ میں غیر قانونی طورپر ریلوے ٹکٹ فروخت کرنےو الے ایک شخص کو ریلوے سکیورٹی افسران نے گرفتار کیا۔ عدالت نے ملزم کو 6ہزارروپئے کا جرمانہ عائد کرنےکا واقعہ پیش آیا ہے۔

ملزم کی شناخت کئیگا روڈ پر واقع ہیگڈے ایجنسی کے ارون کمار کی حیثیت سے کی گئی ہے۔ ایجنسی کے ذریعے غیر قانونی طورپر ریلوے ٹکٹ بیچے جانے کی مصدقہ خبر پر کارروائی کرتےہوئے معاون سکیورٹی آفیسر پروین کمار کی قیادت میں چھاپہ ماراگیا۔ جب دکان میں چھان بین کی گئی تو اگلی تاریخ درج کردہ 3137روپئے کا ایک ٹکٹ اور استعمال کردہ 85867روپئے مالیت کے 39ای ٹکٹ پائے گئے۔ محکمہ ریلوے کا منظورکردہ ایک ڈونگل ، 620روپئے نقد، سم والا ایک موبائیل اور ریلوے ٹکٹ بیچنے کے لئے استعمال کئے  جانے والے دیگر اشیاء کو افسران نے ضبط کرلیاہے۔

محکمہ ریلوے کے ویب سائٹ پر الگ الگا ناموں سے نام رجسٹرڈ کرکے ٹکٹ حاصل کئےجانے کی ملزم سے  پوچھ تاچھ کے دوران پتہ چلی ہے۔ ریلوے قانون کےمطابق کیس درج کرلینے کے بعد ملزم کو عدالت میں پیش کیاگیا جہاں ملزم نے جرمانہ عائد کیاتو اس کو رہا کیاگیا۔محکمہ نے  ضبط شدہ اشیاء کو عدالت کی تحویل میں دیاہے، ای ٹکٹ رد کئے جانےکی کونکن ریلوے کے معاون جنرل مینجر بی جی گھاٹگے نے پریس ریلیز کے ذریعے جانکاری دی ہے۔