کاروار:09؍اپریل (ایس او نیوز)2019کے لوک سبھا انتخابات میں شمالی کینرا حلقہ سے  انتخابی میدان میں جتنے بھی امیدوار ہیں انہیں انتخابی ضابطۂ اخلاق کی پابندی لازمی ہے اور عوامی نمائندہ قانون کے مطابق انتخابات کے اخراجات کا حساب کتاب صحیح ڈھنگ سے رکھنے کی الیکشن ویجلنس آفیسر نوین ایس ایل نے سخت ہدایات دیں۔

لوک سبھا انتخابات کے لئے پرچہ نامزدگی واپس لینےکا 8اپریل کی دوپہر تین بجے تک آخری وقت تھا۔ مدت ختم ہونےکے بعد انتخابی میدان باقی 13 امیدواروں کے لئے انتخابات کے دوران میں عمل کئے جانے والے اصولوں کی تربیت دینے کے لئے منعقدہ ورکشاپ میں ہدایات دیتے ہوئے نوین نے کہاکہ ضابطہ ٔ اخلاق کی پابندی لازمی ہے اور الیکشن کمیشن کے رہنما خطوط کے مطابق الیکشن کا حساب کتاب صحیح طورپر سونپنے کی با ت کہی۔ انتخابی ضابطہ اخلاق کے ضلع نوڈل آفیسراور ضلع پنچایت کے سی ای اؤ  محمد روشن نے ضابطہ اخلاق پر عمل آوری ، عوامی نمائندہ قانون کی جانکاری دیتےہوئے تفصیلات فراہم کیں۔

انتخاب لڑنے والے امیدوار اور سیاسی پارٹیاں عوامی جگہوں اور مقامات پر انتخابی اجلاس کا انعقاد، قانون کی خلاف ورزی کرتے ہوئے سیاسی فولڈر س شائع کرنا، اشتہارات کا اعلان، غیرقانونی رقم ، شراب کی سپلائی اور تقسیم ، سماجی ہم آہنگی میں خلل ڈالنے والے اور کسی کی نجی شخصیت کی ہتک آمیزی کا بیان دینے سمیت جہاں بھی خلاف ورزی ہونےو الے عام معاملات کے سلسلے میں  چوکنارہیں اور انتخابی اشتہار کے لئے جو بھی ضوابط ہیں ، پیشگی اجازت سمیت قانونی مواقع فراہم کرنے ضلع انتظامیہ تیار رہنے کی بات کہی۔

ضلع پنچایت کے چیف اکاؤٹنٹ اور نوڈل آفیسر ڈاکٹر سنگیت بھٹ نے امیدوار وں کے لئے قانونی طورپر حساب کتاب رکھنا لازمی ہے ، اپنے رجسٹرڈ اکاؤنٹ سے ہی خرچ کیا جائے۔ کمیشن کی طرف سے مہیا کردہ تین الگ الگ رجسٹروں میں نقد لین دین، چک سے کئے گئے لین دین کی تفصیلات درج کریں۔ الیکشن کمیشن کی طرف سے ہردن امیدواروں پر کڑی نگاہ رکھی جائے گی۔ انتخابات کے بعد امیدوار کی طرف سے دئیے گئے حساب کتاب اور انتخابی کمیشن کی طرف سے رکھے گئے حساب کتاب سے موازنہ کیا جائے تو دونوں میں موافقت ہوناچاہئے۔ ورکشاپ میں  امیدواروں نے اپنے مسائل کو پیش کرتے ہوئے حل تلاش کیا۔ ڈپٹی کمشنر ڈاکٹر کے ہریش کمار موجود تھے۔