کاروار : نیشنل ہائی وے توسیع میں بدنظمی - ٹھیکیدار کمپنی کے خلاف مقامی لوگوں نے کیا احتجاج 

Source: S.O. News Service | Published on 26th November 2022, 1:23 PM | ساحلی خبریں |

کاروار، 26؍ نومبر (ایس او نیوز) نیشنل ہائی وے 66 کی توسیع کے دوران جو غیر سائنٹفک کام ہوا ہے اور  بد انتظامی کی وجہ سے عوام کو جس طرح کی مشکلات سے گزرنا پڑ رہا ہے اس کے خلاف احتجاج کرتے ہوئے کاروار تعلقہ کے امڈالّی میں مقامی لوگوں نے ٹھیکیدار کمپنی آئی آر بی کا گھیراو کیا اور نعرے بازی کی ۔ 
    
کنڑا رکھشنا ویدیکے کی قیادت میں منعقدہ گھیراو اور احتجاج کے دوران مظاہرین  نے بتایا کہ سڑک کی تعمیر کا جو آدھا ادھورا کام ہوا ہے اس سے لوگوں کو آمد و رفت میں مشکلات پیش آ رہی ہیں ۔ ٹھیکیدار کمپنی نے بس اسٹینڈ ، سروس روڈ جیسی بنیادی ضرورتیں پورا کرنے کے لئے کوئی قدم نہیں اٹھایا ہے ۔ اس کے علاوہ گاوں سے گزرنے والے ہائی وے کو غیر ضروری طور پر بائی پاس میں تبدیل کیا ہے جس کی وجہ سے عوام کو بہت زیادہ دقت پیش آ رہی ہے ۔ برساتی پانی کے اخراج کے لئے نالا بھی نہیں بنایا ہے جس کی وجہ سے بارش کے موسم میں یہاں کے لوگوں کے لئے مصیبت کھڑی کر دی گئی ہے ۔
    
مظاہرین نے مطالبہ کیا کہ ٹھیکیدار کمپنی عوام کو درپیش ان مسائل کو جلد از جلد حل کرے ۔ 

ایک نظر اس پر بھی

جے ڈی ایس رہنما کماراسوامی 9فروری کو پہنچیں گے بھٹکل : پروگرام میں کثیر تعداد میں شرکت کرنے عنایت اللہ شاہ بندری کی عوام سے اپیل

بھٹکل ہوناور ودھان سبھا انتخابات کا بہتر مقابلہ کرنے کے سلسلےمیں جنتا دل سکیولر(جے ڈی ایس )پارٹی تیاریوں میں مصروف ہے۔ 9فروری کو جےڈی ایس لیڈر ، سابق وزیر اعلیٰ کمار سوامی کی قیادت والی پنچ رتن یاترا بھٹکل پہنچنے کی اطلاع بھٹکل جے ڈی ایس لیڈر عنایت اللہ شاہ بندری نےدی۔

بی جے پی کے ریاستی صدر نلین کمار کٹیل کی بھٹکل آمد؛ آنے والے انتخابات کو لے کر کٹیل نے کہا؛ ساورکر اور ٹیپو نظریات کے درمیان ہوگا الیکشن

اس بار ریاستی انتخابات کانگریس اور بی جے پی کے بجائے ساورکر اور ٹیپو  نظریات کے درمیان ہوں گے۔ یہ بات  بی جے پی ریاستی یونٹ کے صدر نلین کمار کٹیل نے کہی۔ شرالی میں منعقدہ بی جے پی پروگرام میں شریک ہوتے ہوئے  کٹیل نے سوال کیا کہ آپ کو محب وطن ساورکرچاہئے  یا جنونی ٹیپو  چاہئے ...