کاروار: لاپتہ ڈی وائی ایس پی اور ان کی ٹیم بحفاظت لوٹی
کاروار:3؍ستمبر(ایس اؤ نیوز)کئیگا پلانٹ کے قریب بارے دیہات کے جنگلات سے سٹلائٹ کال کرنے والوں کا پتہ لگانے جنگل میں گھسنے کے بعد اتوار کی رات سے لاپتہ ہونے والے ڈی وائی ایس پی شنکرماری ہال اور افسر نشچل کمار کی ٹیم بحفاظت واپس آنے کی اطلاعات موصول ہوئی ہیں۔
اتوار کی صبح ڈی وائی ایس پی کی قیادت میں ایک ٹیم بارے ہیرور دیہات کے قریب والے جنگل میں تفتیش کے لئے نکل پڑے تھے۔ لیکن فاریسٹ میں راستہ گم ہوجانے سے پوری رات واپس نہیں ہوسکے تھے۔ حالات کو دیکھتے ہوئے ایڈیشنل ایس پی گوپال بیاکوڈ کی قیادت میں ایک ٹیم نے ڈی وائی ایس پی کی تلاش شروع کی۔ پیر کی صبح کو جنگل میں ڈی وائی ایس پی اور ان کی ٹیم سے ملاقات ہوئی تو پولس محکمہ نے راحت کی سانس لی۔ منگل کو پوری ٹیم واپس کاروار آنے میں کامیاب ہوگئی۔
