کاروار: ضلع میں موسلادھار بارش ، انموڈگھاٹ سے گزرنے والی گوا۔ بیلگام قومی شاہراہ پر پہاڑ کھسکنےسے سواریوں کی آمد ورفت بند
کاروار:4؍ جولائی (ایس اؤ نیوز) تیز اور بھاری بارش کے نتیجے میں انموڈ گھاٹ کے دودھ ساگر درگاہ کے قریب بیلگام۔ گوا قومی شاہراہ 4اے پر پہاڑ کھسکنے سے سواریوں کی آمد ورفت مکمل طورپر بند ہوگئی ہے۔
انموڈ گھاٹ پر موسلادھار بارش برس رہی ہے۔ اتوار کی رات قریب 30-11بجے مٹی کھسکنا شروع ہوئی تو سواریوں کو شاہراہ پر سے گزرنے میں کافی مشکلات کا سامنا کرناپڑا۔ گوا کی فائر برگیڈ اور پولس نے جائے وقوع پر پہنچ کر معائنہ کیا اب جے سی بی مشین کے ذریعے مٹی نکالنے کاکام جاری ہے۔ یہ جوئیڈا تعلقہ کے رام نگرسے گزرنے والی اہم شاہراہ ہے اسی شاہراہ سے ریاست گوا اور بیلگام، باگلکوٹ، وجئے پورا ، ہبلی ، دھارواڑ جیسے اضلاع کار ابطہ ہوتاہے۔