کاروار کے ریسارٹ میں سیاح کے 15لاکھ روپئے مالیت کے زیورات چوری
کاروار:21؍جنوری(ایس اؤ نیوز) یہاں کے کورم گڑھ جزیرے میں واقع سنٹ کار آئی لینڈ ریسارٹ میں قیام کئے ایک گاہک کے 15لاکھ روپئے مالیت کے زیورات چوری ہونے کے متعلق چتاکول پولس تھانے میں کیس درج ہواہے۔
12جنوری کو ریسارٹ میں قیام کئے چنئی کی نیتو ہتیش کناڑیا کی ملکیت والے 6لاکھ روپئے مالیت کی ڈائمنڈ انگوٹھی ، 9لاکھ روپئے مالیت کے ڈائمنڈ چڑیاں لٹیرے لے کر فرار ہوئے ہیں۔ نیتو اپنے زیورات کو بیاگ میں رکھا اوربیاگ ریسارٹ میں قیام کئے کمرے میں چھوڑ کر چلی گئی تھیں۔ اطراف کے مقامات کی سیر کرنے کے بعد نیتو15جنوری کو جب اپنے کمرے کو لوٹیں تو بیاگ میں رکھے ہوئے زیورات نہیں ہونے کا پتہ چلاہے۔ اس سلسلے میں ریسارٹ کے مینجر سے پوچھا گیاتو مینجر نے جانچ کرکے چوری ہوئے زیورات واپس کرنے کی بات کہی ۔ مینجر پر بھروسہ کرتے ہوئے نیتو اور اس کا شوہر چنئی لوٹ گئے۔ تین چار دنوں کے بعد بھی ریسارٹ مینجر کی طرف سے کوئی بات نہیں ہونے پر دوبارہ کاروار پہنچ کر چتاکول پولس تھانے میں نیتو کے شوہر ہتیش نے شکایت درج کی ہے۔ پولس کیس درج کرلینے کے بعد جانچ میں جٹی ہوئی ہے۔