کاروار: بارش سے نقصان اٹھانے والے دکانداروں کو سرکاری معاوضہ دیا جائے گا - کوٹا سرینواس پجاری  کا اعلان

Source: S.O. News Service | Published on 6th August 2022, 8:24 PM | ساحلی خبریں |

کاروار 6 / اگست (ایس او نیوز) ضلع انچارج وزیر کوٹا سرینواس پجاری نے کاروار میں منعقدہ پریس کانفرنس کے دوران بتایا کہ وزیر اعلیٰ بسواراج بومئی نے برسات اور سیلاب سے نقصان اٹھانے والے دکانداروں کو معاوضہ ادا کرنے کی ہدایت دی ہے۔
    
انہوں نے کہا کہ اس سے قبل دکانداروں کے نقصان کی بھرپائی کے لئے معاوضہ دینے کی گنجائش نہیں تھی ۔ لیکن وزیر اعلیٰ نے اپنے دورے کے وقت ہدایت دی ہے کہ گھروں کے ساتھ اگر دکانوں میں بھی پانی گھسنے سے نقصان ہوا ہے تو اس کا سروے کرکے دکانداروں کو بھی معاوضہ دیا جائے ۔ اس تعلق سے دو تین دن کے اندر باقاعدہ حکم جاری ہونے کی توقع ہے ۔ اس مرتبہ ریاستی حکومت نے نقصانات کا معاوضہ ادا کرنے کے لئے پہلے سے موجود قوانین میں کچھ تبدیلیاں کرتے ہوئے زیادہ سے زیادہ متاثرین کو معاوضہ ادا کرنے کی گنجائش پیدا کی ہے۔ 
    
وزیر موصوف نے بتایا کہ 108 ایمبولینس کا کام کاج چلانے والی ٹھیکیدار کمپنی اپنی ذمہ داریاں ٹھیک طریقے سے ادا نہ کرنے کی وجہ سے بہت ساری شکایات مل رہی ہیں ۔ جیسے کہ کس نمبر پر رابطہ کرنا یہ پتہ نہیں چلتا ، گاڑی پر ڈرائیور ہے تو ڈاکٹر نہی، ڈاکٹر ہے تو پھر ڈرائیور غائب اور جب دونوں حاضر ہیں تو پھر گاڑی خراب ہوجاتی ہے ۔ ان مسائل کو حل کرنے کے لئے وزیر صحت کے ساتھ میٹنگ منعقد کی جائے گی ۔ عوام کی سہولت کے لئے ٹول فری نمبر بھی جاری کرنے کے تعلق سے غور کیا جا رہا ہے۔    

ایک نظر اس پر بھی

بھٹکل میں زوردار بارش سے ہوئے نقصانات پر ایم ایل اے نے کہا؛ 4483 بارش سے متاثرہ مکانات میں سے اب تک 3890 گھروالوں میں معاوضہ تقسیم

   2 اگست کو بھٹکل میں  ہوئی زوردار بارش کے نتیجے  میں جو  نقصانات  ہوئے تھے، اس پر بھٹکل  ایم ایل اے  سنیل نائک نے کہا کہ مشکل کی  اس گھڑی میں پہلے دن سے ہی  وہ عوام کے ساتھ کھڑے ہیں ۔ بارش سے جملہ  4483    مکانات میں پانی گھس جانے سے گھروں کے اندر موجود کافی چیزوں کو نقصان پہنچا ...

بھٹکل تعلقہ میں برسات کی تباہ کاریاں - اہم دستاویزات سیلاب کی نذر ہونے سے متاثرین کو ہوسکتی ہیں دشواریاں

بھٹکل تعلقہ کے مختلف علاقوں میں پچھلے دنوں شدید بارش کے بعد جو سیلابی کیفیت پیدا ہوئی تھی اس دوران جن گھروں میں پانی گھس آیا تھا ان میں سے کئی لوگوں کا کہنا ہے کہ ان کے ساز و سامان کے علاوہ کئی اہم دستاویزات بھی  پانی میں بھیگ کر خراب ہوگئے ہیں جس کی وجہ سے انہیں بڑی دشواریوں کا ...

بھٹکل : مٹھلّی گرام میں لال پتھروں کی کھدائی والے علاقے میں بسنے والوں پر منڈلا رہا ہے خطرہ

گزشتہ دنوں ہوئی بھاری برسات کے بعد مٹھلّی گرام پنچایت علاقے میں پہاڑی کھسکنے سے چار افراد کی موت واقع ہونے کا جو واقعہ پیش آیا تھا اس کے بعد وہاں پر بسنے والے لوگ خوف اور خدشات میں گھر گئے ہیں ۔ 

بھٹکل میں زوردار بارش کا سلسلہ جاری؛ منڈلّی اسکول کی دیوار بیٹھ گئی - اسکول میں چھٹی رہنے سے ٹل گئی ٹریجڈی؛ اپسر گونڈا میں پہاڑی میں شگاف

سنیچر کے دن پوری رات برسنے والی بھاری بارش کی وجہ سے     منڈلّی میں واقع سرکاری اسکول نمبر 1 کی دیوار گر گئی اور چھت کا ایک حصہ  بھی منہدم ہوگیا ۔   واردات اتوار کو پیش آئی۔ یہ تو اچھا ہوا کہ اتوار ہونے کی بنا پر اسکول میں چھٹی تھی، اس لئے  ایک بڑا حادثہ ٹل گیا۔

بھٹکل تینگنگونڈی کے ماہی گیروں کو ایک ایک لاکھ روپیہ معاوضہ فراہم کرنے کا مطالبہ لے کر ویلفئیر پارٹی نے تحصیلدار کو دیا میمورنڈم

گذشتہ ہفتہ بھٹکل میں ہوئی  زبردست بارش میں جہاں کئی  مکانوں ، دکانوں  اور کھیتوں وغیرہ کو نقصان پہنچا وہیں ماہی گیروں کی کشتیاں اور مچھلیوں کا شکار کرنے والی بوٹوں کو بھی نقصان پہنچا ہے، کئی ماہی گیروں کی کشتیاں سمندر میں بہہ کر لاپتہ بھی ہوئی ہیں  تو بعض  کی کشتیاں سمندر میں ...