کاروار: بجلی کاتار چھونے کی وجہ سے معمر خاتون ہوگئی ہلاک
کاروار،5؍ستمبر (ایس او نیوز) تعلقہ کے دیسائی واڈا میں گھر کے پچھواڑے کی صفائی کے دوران بجلی کا تار چھو نے کی وجہ سے ایک معمرخاتون ہلاک ہوجانے کا حادثہ پیش آیا ہے۔
مہلوک خاتون کی شناخت جینتی یشونت دیسائی (64سال) کے طور پر کی گئی ہے۔بتایا جاتا ہے کہ گھر کے پچھواڑے میں بجلی کا تار ٹوٹ کر گرا ہواتھا۔ وہاں پر گری ہوئی ناریل کی پتیوں ہٹانے کی کوشش میں یہ خاتون اس ٹوٹے ہوئے تار کے رابطے میں آگئیں جس میں بجلی دوڑ رہی تھی۔ اس طرح بجلی کے جھٹکے سے موقع پر ہی خاتون کی موت واقع ہوگئی۔ واقعے کی اطلاع ملنے پر کدرا پولیس اسٹیشن کے افسران نے جائے وقوع پر پہنچ کر معائنہ کیا اور کیس درج کرلیا ہے۔