کاروار: موسم باراں میں کہیں بھی مصنوعی سیلاب کوپیدا ہونے نہ دیں، 24گھنٹوں میں رکاوٹوں کو دور کریں : ضلع نگراں کاروزیر کی آئی آر بی افسران کو سخت ہدایت
کاروار:22؍ جون (ایس اؤ نیوز)قومی شاہراہ فورلین کی تعمیر ی کاموں کی وجہ سے ساحلی علاقوں میں مصنوعی سیلاب کے حالات پیدا ہوگئے ہیں۔ 22جون تک جہاں جہاں بارش کا پانی بہنے کےلئے رکاوٹیں ہیں ان سب کو دور کرنے اور پانی آسانی کے ساتھ بہہ کر سمندر میں جاملنے کا انتظام کرنے ضلع نگراں وزیر کوٹاشری نواس پجاری نے آئی آر بی کمپنی افسران کو سخت تاکید کی۔
ڈی سی دفتر ہال میں ماقبل مانسون پیشگی تیاری اقدامات اور دیگر لوازمات کے متعلق منعقدہ میٹنگ کی صدارت کرتےہوئے انہوں نےکہاکہ ساحلی پٹی سے گزرنے والے قومی شاہراہ پر فورلین کے تعمیری کاموں کی وجہ سے جہاں تہاں بارش کا پانی جمع ہونے اور بہنے میں مسائل پیدا ہونےکے متعلق شکایتیں موصول ہوئی ہیں، مصنوعی سیلاب کی صورت حال پیدا ہونے سے راہ گیروں اور سواروں کاگزرنا محال ہورہاہے۔ بدھ سے پہلے پہلے یعنی 22تک سبھی رکاوٹوں کو دور کرتےہوئے بہتر انتظامات کرنے کی ہدایات دیں۔ بارش کے موسم میں سیلاب، پہاڑوں کا کھسکنا جیسے سماوی حادثات ہونےو الے مقامات پر پیشگی اقدامات کو جلدی مکمل کرلیں۔ کہیں پر عوام کو چلنے پھرنےمیں مشکلات پیش آتی ہیں تو 24گھنٹوں میں اس کی درستی ہو۔ جن برجوں کے تعمیری کام جاری ہیں انہیں جلد سے جلد ختم کرتےہوئے عوام کو سہولت عطا کرنےمحکمہ آب پاشی کے افسران سے کہا۔
ضلع میں 75ہزارہیکڑ زرعی زمین ہے۔ ابھی تک 25000ہزار ہیکڑ زرعی زمین پر بیج بوئےگئےہیں، زراعت کے متعلق کسانوں کے لئے ضروری کھاد، مشنیں وغیرہ بہم پہنچائیں انہیں کسی قسم کی تکلیف نہ ہو اس کا خاص خیال رکھنے کہا۔ میٹنگ میں کاروار کی رکن اسمبلی روپالی نائک ، ڈی سی ملئی مہیلن وغیرہ موجود تھے۔
بجلی کا مسئلہ ہرسال رہتاہے:ضلع نگراں کارو زیر نے افسران کو ہدایت دی کہ ہرسال بارش کے موسم میں بجلی کا مسئلہ سردر د بنا رہتا ہے لیکن اس مرتبہ پیشگی طورپر انتظامات کئےجانے سے کوئی مسئلہ پیدا نہیں ہو ۔ افسران ضلع انتظامیہ کا خیال رکھتےہوئے عوامی مفاد میں کام کریں کسی کو کوئی تکلیف نہ پہنچے اس طرح کی تیار ی کرنے کہا۔