کاروار،29؍اپریل(ایس او نیوز)آج سے ٹھیک 11مہینے قبل منڈگوڈ تعلقہ میں ملگی کے رہنے والے مکندن پلّئی نے ضلع شمالی کینرا پولیس کے پاس شکایت درج کروائی تھی کہ   ان کےموبائل نمبر سے فون کرکے اوٹی پی کے ذریعے اس کے کھاتے سے 40ہزار روپے اڑالیے گئے ہیں۔

 لیکن اب پتہ چلا ہے کہ یہ فون نمبر ابھی بھی کام کررہا ہے اور یہ دھوکے بازاپنی کارستانی جاری رکھے ہوئے ہے۔بنگلورو کے رہنے والے کے پی اکشرا نامی شخص نے بنگلورو سٹی پولیس کمشنر اور سی آئی ڈی سائبر کرائم یونٹ کے پاس شکایت درج کی ہے کہ ان کے ساتھ دھوکہ دہی کرکے رقم اڑانے کی کوشش کی گئی ہے۔اکشرا نے اپنے ٹویٹ میں لکھا ہے کہ اتوارکے دن  اُنہیں ایک نمبر سے کال آئی اور کچھ لمحے پہلے جو اوٹی پی میرے فون پر آیا ہے اس کی تفصیل پوچھی گئی۔ میں نے فوری طور پر اس نمبر کو بلاک کردیا۔پھر میں نے اس شخص کے خلاف کیس درج کرنے کے لئے اس نمبر کی تفصیل جاننے کے لئے گوگل کیاتو مجھے پتہ چلا کہ30/05/2019کو شمالی کینرا پولیس کے ویب سائٹ پر جو رپورٹ شائع کی گئی ہے اس میں یہی نمبر دیا گیا ہے۔اور دھوکہ دہی کی تاریخ 19/102018لکھی ہوئی ہے، یعنی تقریباًڈیڑھ سال پرانی بات ہے۔“

 اس کے علاوہ مکندن کا کہنا ہے کہ 23مارچ 2019کو دہلی کے اجیت نامی شخص نے اسی نمبر سے فراڈ کیے جانے کی شکایت درج کروائی ہے۔اس سے پتہ چلتا ہے کہ شکایت داخل کیے جانے کے دو ڈھائی سال بعد بھی ضلع شمالی کینرا کی پولیس یا دہلی پولیس دھوکے باز تک پہنچنے یا اس کا نمبر بلاک کرنے میں پوری طرح ناکام رہی ہے اور دھوکے باز اپنی سرگرمی پورے اطمینا ن کے ساتھ انجام دے رہا ہے۔مکندن پلّئی نے پولیس تھانے میں  موصول ہونے والے نمبر کو بھی اپنی شکایت میں درج کرائی ہے۔