کاروار: سال بہ سال دھان کی فصل میں کمی :18992ہیکٹر علاقے پر دھان کے بجائے دوسری کاشت
کاروار:27؍ ڈسمبر(ایس اؤ نیوز) اترکنڑاضلع میں دھان کی فصل سال بہ سال کمی ہورہی ہے۔ سال 2015سے 2021کی مدت کے دوران میں دھان کی فصل والے علاقے میں 18992ہیکٹر زمین پرفصل نہیں اگائی گئی ہے۔کسان ایک طرف سپاری ، سونٹھ جیسی تجارتی فصلوں اور دوسری طرف مکئی کی فصل راغب ہونے سے دھان کی فصل میں کمی ہونے کی بات کہی جارہی ہے۔
دھان والی زمین پر سپاری نے قبضہ جمایا ہے۔ اترکنڑا ضلع میں سال 2016-2017میں سپاری باغات کا رقبہ 18527ہیکٹرتھا تو سال 2020-2021میں 31274ہیکٹرہوگیاہے۔ پانچ سال کی مدت میں 12747ہیکٹر زمین پر سپاری باغات کا قبضہ ہواہے۔ سپاری کے لئے زیادہ تر دھان کی زمین لیا جانا قابل ِ غور ہے۔
ہوناور کے ایک کسان ونئے نائک کا کہنا ہے کہ تین وقت کےکھانےکےلئے دھان کی کاشت بہت ضروری ہے۔ لیکن دھان کے لئے ہر سال جو مشکلات درپیش ہیں وہ عملی میدان سے تعلق رکھنے والے ہی جانتے ہیں۔ وقت پر بارش نہیں ہوتی، اگر بارش ہوئی تو زیادہ ہوتی ہے، اچانک بارش برس پڑتی ہے،کٹھن محنت سے تیار ہوئی فصل برباد ہوجاتی ہے، امسال اس طرح کے حالات سے زیادہ فصل بربادہوئی ہے۔ اس کے علاوہ جنگلات سےمتصل کھیتوں میں جنگلی ہاتھیوں ، بھینسوں جیسےجنگلی جانوروں کے دھاوے سے دھان کی فصل کو نقصان پہنچتا رہتا ہے۔ انہی وجوہات کی بنا پر مجبوری میں دھان سے واپس ہونا پڑاہے۔ اسی طرح کے کئی اور کسانوں نے خیالات کا اظہارکیا ہے۔ ان کاکہنا ہے کہ سپاری کے پودے لگاتے ہیں تو تین برس تک زیادہ دیکھ ریکھ کی ضرورت نہیں پڑتی ، جب فصل آنا شروع ہوتی ہے تو اس وقت نگرانی ضروری ہوتی ہے لیکن دھان کی جیسی نہیں۔ بارش، دوائی کا چھڑکاؤ وغیرہ ہونےکے بعد سپاری کی کاشت کرسکتےہیں، سپاری سکھا دیتےہیں توہوجاتاہے۔ پچھلے ایک سال سےسپاری کےلئے اچھی قیمت بھی مل رہی ہے، اس لئے دکان سےچاول خرید لائیں کوئی پرواہ نہیں ، کھیتی میں سرمایہ جھونک کر نقصان اٹھانے کے لئے کوئی تیار نہیں ہے۔
کسان مکئی کی طرف :ہلیال ، منڈگوڈ، یلاپور تعلقہ جات میں حالیہ برسوں میں چند مقامات پر مکئی کی فصل کے رقبےمیں اضافہ ہوا ہے اور کچھ مقامات پر سونٹھ کی زیادہ کاشت ہورہی ہے۔ ان فصلوں کے لئے دھان کی طرح زیادہ پانی کی ضرورت نہیں ہے، تجارتی نقطہ نظر سے یہ فصلیں زیادہ بوجھ بھی نہیں ہونےکا خیال ہلیال کے کسان شرنپا نے کہی۔
دوتعلقہ جات میں اضافہ :پورے ضلع میں سال 2015میں دھان کی فصل میں کمی ہوئی ہے تو صرف جوئیڈا اور سداپور تعلقہ جات میں کچھ حد تک اضافہ ہواہے۔ جوئیڈا میں 285ہیکٹراور سداپور تعلقہ میں 15ہیکٹر کا اضافہ ہوا۔
ہلیال تعلقہ میں دھان کی فصل میں سب سے زیادہ کمی ہوئی ہے۔ یہاں 6500ہیکٹر سے زائد علاقہ، منڈگوڈ میں 4900ہیکٹر سے زائد دھان کی کاشت میں کمی ہوئی ہے۔ بقیہ کمٹہ تعلقہ میں 1600ہیکٹر ، ہوناور تعلقہ میں 1480،یلاپور تعلقہ میں 1300، بھٹکل تعلقہ میں 1200، کاروار تعلقہ میں 1000، انکولہ تعلقہ میں 920اور سرسی تعلقہ میں سب سے کم 67ہیکٹر دھان کی فصل کے علاقے میں کمی ہوئی ہے۔