اترکنڑا ضلع کے ’کدمبوتسوا-2020‘کی مناسبت سے سیاحتی مقامات پرسیاحو ں کو راغب کرنے مختلف مقابلہ جات : 8فروری کو میاراتھان کا انعقاد ؛ڈی سی ہریش کمار
کاروار:28؍جنوری(ایس اؤ نیوز)اترکنڑا ضلع ڈپٹی کمشنر عدالت کے صحن میں منعقدہ ضلع سیاحتی مقامات ترقی اور تحفظ کمیٹی کی میٹنگ کی صدارت کرتےہوئے ڈی سی ڈاکٹر ہریش کمار نے ہدایات جاری کیں کدمبوتسوا2020کی مناسبت سے 8فروری کو منظم میاراتھان کا اہتمام کریں۔
ڈی سی نے بتایا کہ ضلع کے مختلف سیاحتی مقامات پر بیرونی ممالک کے سیاحوں کو راغب کرنے کےلئے مختلف پروگرام منعقد کئے جائیں گے۔ فروری کے پہلے ہفتہ میں کدمبوتسوا کا انعقاد ہوگا۔ اس سنہرے موقع پر 8فروری کو بڑے منظم طریقے سے میاراتھان کا اہتمام کرتےہوئے زیادہ سیاحوں کو ضلع اور بنواسی کی طرف راغب کرسکتے ہیں۔ اسی طرح گوکرن بیچ پر پتنگ بازی اتسوا،بھٹکل کے مرڈیشور میں اسکوبا ڈایونگ اور کاروار کے کالی ندی گارڈن میں کئے یاکنگ مقابلہ، فاریسٹ محکمہ کے اشتراک سے ہارن بل فیسٹول بھی اہتمام کے ساتھ منعقد کرنے افسران کو ہدایات دیں۔ متعلقہ پروگراموں کے نظام الاوقات فوری طور پر تیار کرکے بغیر کسی کمی ، خطا کے منعقد کرتےہوئے کامیاب بنانے کی اپیل کی۔ میٹنگ میں ضلع پنچایت سی ای اؤ محمد روشن، اپر ڈی سی ناگراج سنگریراور محکمہ سیاحت کے کارگزار افسر ایس پرشوتم سمیت کئی افسران موجود تھے۔