کاروار شہری پولس تھانہ پی ایس آئی کے خلاف کارروائی کا مطالبہ کرتے ہوئے کانگریس لیڈر بی کے ہری پرساد کا ریاستی ڈی آئی جی پروین سود سے تحریری شکایت

Source: S.O. News Service | By Abu Aisha | Published on 3rd August 2021, 9:09 PM | ساحلی خبریں |

بھٹکل:3؍اگست (ایس اؤ نیوز) کاروار شہری پولس تھانہ پی ایس آئی سنتوش کمارکی طرف سے کاروار بلاک کانگریس صدر کو ہراساں کرنے کا الزام عائد کرتےہوئے پی ایس آئی  کو معطل کرکے مناسب جانچ کرنے کا ریاست کے ڈی جی پی سے  کانگریس کے ایم ایل سی ہری پرساد بی کے نے مطالبہ کیا ہے۔

پروین سود کو دئیے گئے  میمورنڈم میں بی کے ہری پرساد نے لکھا ہے کہ 6جولائی 2021کاروار کے ایک بی جے  پی کارکن نے کانگریس بلاک صدر اجئے سگلی پر سوشیل میڈیا پر بی جے پی کے رکن اسمبلی کی ہتک کرنے کا الزام عائد کرتے ہوئے شکایت درج کی تھی۔ کاروار کے شہری تھانہ پی ایس آئی سنتوش کمار نے شفافیت کے ساتھ جانچ کرنےکے بجائے کسی کے دباؤ میں کام کرتے ہوئے اجئے سگلی کو صبح 30-9بجے پولس تھانہ بلا بھیجا پھررات 10بجے تک بٹھائے رکھا  اور جب سابق رکن اسمبلی ستیش سئیل تھانہ پہنچ کر معاملہ کے متعلق پوچھا تو اجئے سگلی کو ان کے ساتھ گھر بھیج دیا۔سنتوش کمار نے  اسی دن کوئی کیس درج نہیں کیا ۔ لیکن  اس کے بعد  اجئے سگلی کا موبائیل فون ضبط کرکے ان کے خلاف کاروار شہری پولس تھانہ میں کیس درج کیا ہے۔

14جولائی کو پی ایس آئی سنتوش کمار نے بلاک کانگریس صدر اجئے سگلی کوپھر  پولس تھانہ بلایا اور  وہاں پہنچنے کے بعد کپڑے نکال کر ان پر حملہ کیا  اور  دھمکی دی کہ آئندہ اگر  بی جے پی کے خلاف کسی طرح کا کوئی کمنٹ سوشیل میڈیا پر پوسٹ کیا تو اسی سوشیل میڈیا پر ان کی بیوی کو فاحشہ بنا کر وائرل کرتےہوئے کیس دائر کیا جائے گا   

تحریری شکایت میں لکھا گیا ہے کہ جس پوسٹ پر  رکن اسمبلی کانام تک استعمال نہیں کیا گیا ہے اس پوسٹ پر پی ایس آئی اجئے سگلی کو تھانہ بلا  کر اُن سے  سفید کاغذ پر معافی نامہ لکھوایا  گیا ہے اور دوسرے ایک سفید کاغذ پر اجئے سگلی کی دستخط لی گئی ہے۔ ہری پرساد نے میمورنڈم میں ڈی آئی جی پروین سود سے پوچھا ہے کہ کیا ملک میں شخصی آزادی کو نیلام کیاجارہاہے ؟ عوامی جدوجہد کو دھمکیوں کے ذریعے ختم کرنےکی کوشش قرار دیتے ہوئے کہا ہے کہ کانگریس سوشیل میڈیا شعبہ کی طرف سے اترکنڑا ضلع ایس پی کو اس سلسلےمیں شکایت کرنےکے بعد بھی کوئی کارروائی نہیں کی گئی ہے۔ اس طرح نفرت کی بنیاد پر حملہ کرنا قابل مذمت ہے۔ آئندہ دنوں میں اجئے سگلی اور ان کے خاندان والوں کو جانی یا مالی نقصان ہوتاہے تو اس کا راست ذمہ دار پی ایس آئی سنتوش کمار ہوگا۔ ایسے افسرکو معطل کرکے اس کے  خلاف مناسب جانچ کرنے کا مطالبہ شکایت نامہ  میں کیاگیا ہے۔

ایک نظر اس پر بھی

اترکنڑا میں ہاتھیوں کے حملے سے کسانوں کی فصل برباد؛ ارکان اسمبلی کی خاموشی پر اسپیکر کاگیری کو خود کرنا پڑا متوجہ

اور ایک مہینہ گزرا تو اکتوبر، نومبر، دسمبر میں اترکنڑا ضلع کے ہلیال ، یلاپور، منڈگوڈ، بنواسی کے علاقوں میں کسانوں کو جنگلی ہاتھیوں کا خوف ستانےلگے گا۔ ہاتھی جھنڈ کی شکل میں کھیتوں میں گھس کر فصل بربا د کرنے کی کسانوں کو بڑی فکر ہوتی ہے۔ لیکن بنگلورو میں ہورہےرواں  ودھان سبھا ...

بھٹکل بلاک کانگریس عہدیداران کی فہرست : کے سلیمان محمد نائب صدر اور ایس ایم پرویز جوائنٹ سکریٹری

ریاست میں اگلے چند ماہ میں ہونے والے ضلع پنچایت اور تعلقہ پنچایت انتخابات کو دیکھتے ہوئے بھٹکل کانگریس میدان میں اترنے کےلئے تیاریوں میں جٹی ہوئی ہے۔ اسی مناسبت سے اربن بینک ہال میں منعقدہ مہاتما گاندھی سورجیا پروگرام میں بھٹکل بلاک کانگریس صدر سنتوش نائک نے بھٹکل کانگریس کے ...

ہوناور کے کاسرکوڈ بیچ کو پھر ایک بار عالمی سطح کی  بلیو فلیگ سند : بین الاقوامی شہرت یافتہ بیچوں کو دی جاتی ہے یہ سند

ہوناور تعلقہ کے  کاسرکوڈ بیچ کو دوبارہ بلیو فلیگ کی سند عطا کی گئی ہے تواسی طرح اُڈپی ضلع کے پڈوبیدرے بیچ کو بھی اسی سند سے پھر ایک بار نوازاگیا ہے۔ اس سلسلےمیں مرکزی وزیر برائے ماحولیات بھوپیندر یادو نے ٹویٹ کرتےہوئے جانکاری دی ہے۔ اس طرح کرناٹکا کے 2ساحلی جگہوں کو بین ...

بنگلورو سمیت سرسی، بیندور اور ریاست کے مختلف مقامات پر پٹرول ، ڈیزل سمیت ضروری اشیاء کی قیمتوں میں اضافے کے خلاف کانگریس کا تانگہ ، بیل گاڑی جوتتے ہوئے احتجاج

پٹرول، ڈیزل ، پکوان گیس ، پکوان تیل سمیت کئی ایک ضروری اشیاء کی قیمتوں میں مسلسل اضافے کے خلاف کانگریس لیڈر اور حزب مخالف لیڈر سدرامیا اور کے پی سی سی صدر ڈی کے شیو کمار کانگریس کے ارکان اسمبلی کےساتھ بنگلورو میں تانگہ سواری کرتےہوئے ودھان سودھا پہنچتے ہوئے اپنے احتجاج کو درج ...

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...