کاروار : 5 سال سے کم عمر بچوں کے آدھار کارڈس کے لئے قریوں میں قائم ہونگے 'بال آدھار کارڈ' مراکز

Source: S.O. News Service | Published on 12th May 2022, 11:52 AM | ساحلی خبریں |

کاروار، 12؍مئی (ایس او نیوز) دیہی علاقوں سے چھوٹے بچوں کو آدھار کارڈ بنوانے کے لئے  شہروں تک لانے اور لے جانے میں والدین کو جو دشواریاں پیش آتی ہیں ان کا ازالہ کرنے کے لئے اب قریوں کے اندر ہی پانچ سال سے کم عمر بچوں کے لئے 'بال آدھار کارڈ ' مراکز قائم کیے جائیں گے۔
    
ضلع ڈپٹی کمشنرمولئی موہیلن کے مطا بق پہلے مرحلے کے طور پر ضلع 10 قریوں میں ایسے آدھار کارڈ مراکز قائم کرنے کا فیصلہ کیا ہے جہاں پانچ سال سے کم عمر بچوں کا کارڈ بنوائے جائیں گے ۔ اور یہ کارڈ نیلے رنگ کے ہونگے ۔ خیال رہے کہ پانچ سال سے کم عمر بچوں کے آدھار کارڈ بنوانے کے لئے بایومیٹرک پہچان لازمی نہیں ہوتی ۔ سات سال کی عمر میں ان بچوں کی بایومیٹرک پہچان اَپڈیٹ کروانا ہوتا ہے ۔ اگر بالفرض سات سال پورے ہونے کے بعد بایومیٹرک اَپڈیٹ نہیں کیا گیا تو پھر وہ کارڈ معطل کیا جاتا ہے ۔ 
    
فی الحال منڈگوڈ تعلقہ  کے اندور ، نندی کٹّہ ، ہلیال کے کیسرولّی ، ڈانڈیلی کے امبیکا نگر ، جوئیڈا کے  رام نگر ، سرسی کے بنواسی ، کمٹہ کے مرجان ، ہلیال کے گنڈولی ، ہوناور کے کھروا، سداپور کے تیریہلّی کانسور جیسے مقامات پر بال آدھار کارڈ سینٹر قائم کیے جائیں گے ۔ اس کے بعد مرحلہ وار دوسرے تعلقہ جات میں بھی ایسے سینٹر قائم کرنے کا منصوبہ بنایا گیا ہے ۔

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...