اترکنڑا ضلع میں 9لو گوں کی کورونا رپورٹ پوزیٹیو :بھٹکل کی خاتون سمیت 8 لوٹے گھر

Source: S.O. News Service | By Abu Aisha | Published on 14th June 2020, 6:18 PM | ساحلی خبریں | ان خبروں کو پڑھنا مت بھولئے |

کاروار: 14؍جون (ایس اؤ نیوز) اترکنڑا ضلع میں سنیچر کو ایک ہی دن مہاراشٹرا اور تمل ناڈو سے پہنچنے والے  9لوگوں میں کورونا پوزیٹیو کی تصدیق ہوئی ہے۔ دوسری طرف  شہر کے کمس اسپتال میں زیر علاج 8افراد صحت یاب ہوکر گھر بھی لوٹ گئے ہیں جن میں بھٹکل کی خاتون بھی شامل ہیں۔ اس طرح  ضلع میں کل متاثرین کی تعداد 109ہوگئی ہے  جن میں  93 لوگ صحت یاب ہو کر گھر لوٹ چکے ہیں۔

کاروار کے دو، کمٹہ کے دو، ڈانڈیلی ،سرسی اور جوئیڈا کے ایک ایک فرد اور تمل ناڈو سے آنے والے ہلیال کے دو افراد کورونا سے متاثر ہوئے ہیں۔ تمل ناڈو کے کوئمبتور سےہلیال پہنچنے والے 14سالہ لڑکے کے 45سالہ والد، اس کے 12سالہ بھائی کی رپورٹ پوزیٹیو آئی ہے۔ اس طرح ہلیال میں ایک ہی ہفتہ متاثرین کی تعداد 4ہوگئی ہے۔  اسی طرح ڈانڈیلی کی ایک 9سالہ لڑکی میں کورونا کی تصدیق ہوئی ہے ۔ لڑکی 7جون سے مہاراشٹرا کے تھانے شہر سے اپنے والدین کے ساتھ گاؤں لوٹی تھی ۔ فی الوقت لڑکی اور اس کے رابطہ میں آنے والے سبھی لوگوں کو ڈانڈیلی کے سرکاری اسپتال میں کوارنٹائن میں رکھاگیا ہے۔

مہاراشٹرا سے آکر کوارنٹائن میں رہنےو الے کاروار کے 39سالہ مرد اور 35سالہ عورت ، جوئیڈا تعلقہ کی 24سالہ عورت کی رپورٹ  پوزیٹیو آئی ہے۔ رتنا گری سے کمٹہ آنے والے 33سالہ شخص کی رپورٹ بھی پوزیٹیو آئی ہے جب کہ وہ اپنی کوارنٹائن کی مدت ختم کرکے گھر لوٹ  چکے ہیں۔ اس کے بعد ان کے رابطے میں آنے والے 12افراد کو کوارنٹائن میں رکھاگیا ہے۔

بقیہ مہاراشٹرا سے آکر کمٹہ کے ہوٹل میں قیام کردہ 62سالہ بزرگ ،ممبئی سے بذریعہ کار سرسی پہنچے 63سالہ بزرگ عورت کو بھی کورونا پوزیٹیو آیا ہے۔ ان کے ساتھ کار میں 6لوگ تھے ، جن کا تھوک سیمپل لے کر جانچ کیاگیا ہے سبھی کی رپورٹ نگیٹیو آئی ہے۔

8لوگ صحت یاب : کووڈ-19سے صحت یاب ہوکر 8لوگ کاروار کے کمس اسپتال سے ڈسچارج ہوئے۔ یلاپور کی دو عورتیں ، دو مرد اور دو بچے ، بیرونی ملک سے کاروار پہنچے 34سالہ مرد ، اور بھٹکل کی 30 سالہ خاتون کورونا سے چھٹکار ا پانے والوں میں شامل ہیں۔ انہیں ضلع سرجن ڈاکٹر شیوانند کوڈتلکر اور عملے نے وداع کیا۔

یاد رہے کہ بھٹکل کی خاتون کی اسپتال سے رخصتی کے ساتھ ہی بھٹکل اب کورونا پاک تعلقہ میں تبدیل ہوگیا ہے۔

ایک نظر اس پر بھی

بھٹکل میں قائم پرائمری کوویڈ کیئر سینٹر سے اب تک 81 مریضوں نے کیا استفادہ، سانس لینے میں دشواری ہوتے ہی سینٹر سےرجوع ہونے ذمہ داران کی اپیل

اپریل اور مئی میں بھٹکل میں کوویڈ کے  بڑھتے مریضوں اور بعض لوگوں کے  جان سے ہاتھ دھونے کے معاملات سامنے آنے کے بعد اگست کے پہلے ہفتہ میں قائم پرائمری کوویڈ کیئر سینٹر سے اب تک 81 افراد نے استفادہ کیا جس میں سے  اکثر مریض سینٹر میں ہی  زیرعلاج رہ کر  صحت یاب ہوئے جبکہ  21 مریضوں ...

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...

کمٹہ:لاکھوں روپے مالیت کی غیر قانونی ساگوانی لکڑی لےجارہے دو ملزمین ہوئے گرفتار

کمٹہ تعلقہ کے کتگال میں غیر قانونی طور پر جنگل سے کاٹی ہوئی ساگوانی لکڑی لے جانے والے دو ملزمین کو محکمہ جنگلات کے افسران نے گرفتار کیا اور ان کے قبضے سے لکڑیاں ضبط کرلیں جس کی مالیت کا اندازہ لاکھو ں روپے لگایا گیا ہے۔

ممبئی میں طوفانی بارش سے سیلابی صورتحال، عام زندگی مفلوج، متعدد رہائشی کالونیاں زیر آب

ملک کی تجارتی راجدھانی ممبئی میں گزشتہ شب سے جاری بھاری بارش کی وجہ سے سیلابی صورتحال پیدا ہوگئی ہے۔ ستمبر کے مہینے میں اس طرح کی بارش نے ایک بار پھر شہر کی عام زندگی کو مفلوج کرکے رکھ دیا ہے۔