ہریانہ حکومت کرتارپور جانے والے سکھ عقیدت مندوں کا اٹھائے گی خرچ سی ایم کھٹر کا اعلان
چندی گڑھ،07/نومبر(آئی این ایس انڈیا) ہریانہ کے وزیر اعلی منوہر لال کھٹر نے کہا ہے کہ ان کی حکومت گرو نانک دیو کا 550 ویں جینتی منانے کے لئے پاکستان کے کرتارپور صاحب جانے والے 5,000 سے زائد عقیدت مندوں کو پنجاب کے گرداس پور تک مفت سفر کی خدمت مہیا کرائے گی۔انہوں نے بتایا کہ آئندہ چند دنوں میں ریاست سے تقریباً 5,500 عقیدت مندبسوں اور ٹرینوں سے گرداس پور واقع ڈیرہ بابا نانک پہنچیں گے۔
کھٹر کے حوالے سے کہا گیا کہ گرداس پور کے ڈیرہ بابا نانک پہنچنے تک ان عقیدت مندوں کا خرچ ریاستی حکومت برداشت کرے گی۔وزیر اعظم نریندر مودی نو نومبر کو ڈیرہ بابا نانک میں کرتارپور کوریڈور کا افتتاح کریں گے۔یہ کوریڈور پاکستان میں پنجاب صوبے کے ناروول ضلع میں کرتارپور واقع گرودوارہ دربار صاحب کو گرداس پور کے ڈیرہ بابا نانک سے جوڑیں گے۔