کرناٹک میں سب سے زیادہ کورونا ویکسین، یوپی کی حالت تشویشناک
نئی دہلی،19/جنوری (آئی این ایس انڈیا) 16 جنوری سے ملک میں کورونا وائرس کے خلاف ٹیکہ مہم شروع ہوگئی ہے۔ فی الحال صحت کے کارکنوں کو ویکسین فراہم کی جارہی ہے۔
اگر ملک میں اب تک ہوئے ٹیکہ مہم میں ریاستوں اور مرکزکے زیر انتظام علاقوں کی صورتحال پر نظر ڈالیں تو کرناٹک میں اب تک زیادہ تر لوگوں کو ٹیکہ لگایا جاچکا ہے۔ اب تک کل 66392 افراد کو کورونا ٹیکہ لگایا جاچکا ہے۔
وہیں اترپردیش کی حالت خراب دکھائی دیتی ہے۔ سب سے زیادہ آبادی ہونے کے باوجود دیگر ریاستوں کے تناسب سے یہاں بہت کم ٹیکے لگے۔ اب تک صرف 22644 افراد کو کورونا کا ٹیکہ لگایا گیا ہے۔
