ریاستی مخلوط حکومت میں کوئی انتشار نہیں ہے: دنیش گنڈوراؤ

Source: S.O. News Service | By Shahid Mukhtesar | Published on 30th May 2019, 10:22 AM | ریاستی خبریں |

بنگلورو،30/مئی(ایس او  نیوز) کے پی سی سی صدر دنیش گنڈوراؤ نے دعویٰ کیا ہے کہ ریاست کی مخلوط حکومت مستحکم ہے اور کانگریس پارٹی میں برگشتہ سرگرمیوں کی وجہ سے اس حکومت کو کسی طرح کا کوئی خطرہ نہیں ہے۔ اخباری نمائندوں سے بات چیت کرتے ہوئے انہوں نے کہاکہ پارٹی سے ناراض بعض اراکین اسمبلی کی ناراضی کودور کرنے کے لئے پارٹی قیادت کی طرف سے بات چیت جاری ہے، ان تمام کومطمئن کرنے کی کوشش کی جائے گی۔ کمار کروپا گیسٹ ہاؤز میں اخباری نمائندوں سے بات چیت کرتے ہوئے دنیش نے کہاکہ فی الوقت وہ یہ بتانے کے موقف میں نہیں ہیں کہ ریاستی کابینہ میں توسیع کی جائے گی یاردوبدل اس سلسلے میں کانگریس لیجسلیچر پارٹی میں تبادلہئ خیال کیا جائے گا اور یہاں اراکین اسمبلی سے رائے لینے کے بعد طے کیا جائے گا کہ آگے کیا کرنا چاہئے۔ انہوں نے کہاکہ صرف چند لوگوں کو اقتدار دینے کے لئے کابینہ میں توسیع کرنے کے موقف میں کانگریس نہیں ہے۔ بی جے پی لیڈروں بشمول ایس ایم کرشنا سے کانگریس کے بعض اراکین اسمبلی کی ملاقات پر ردعمل ظاہر کرتے ہوئے دینش گنڈو راؤ نے کہاکہ سیاسی میدان میں قائدین آپس میں روابط رکھتے ہیں۔ ایس ایم کرشنا کا تعلق چونکہ کانگریس سے تھا، اسی لئے کانگریس کے متعدد اراکین اسمبلی کے ان کے ساتھ روابط خوشگوار ہیں۔ ان ملاقاتوں کی بنیاد پر یہ نتیجہ اخذ کرنا کہ مخلوط حکومت کمزور ہوگئی ہے درست نہیں۔انہوں نے کہاکہ کانگریس اور جے ڈی ایس قیادت کی یہی کوشش ہے کہ تمام الجھنوں کو سلجھا کر ریاستی عوام کے لئے بہتر انتظامیہ فراہم کریں۔ اور حکومت کے ذریعے غریبوں کے لئے موثر فلاحی اسکیموں کا اعلان کیا جائے۔ عوام کے مسائل کو سلجھانے کے لئے جابجا عوام سے ربط قائم کرکے کارروائیوں کوآگے بڑھانے کا سلسلہ شروع کیا جائے، اس کے لئے چند چھوٹے موٹے مسائل آڑے آرہے ہیں جن کو جلد از جلد دور کرلیا جائے گا۔ مخلوط حکومت چار سالوں تک ریاستی عوام کی فلاح وبہبود کے لئے کام کرتی رہے گی۔ یہ اے آئی سی سی صدر کے طور پر راہل گاندھی کے استعفے کے بارے میں ایک سوال کا جواب دیتے ہوئے دنیش نے کہاکہ راہل گاندھی کو اپنا استعفیٰ واپس لے کر پارٹی قیادت برقرار رکھنی چاہئے۔ ان کے بغیر کانگریس کو قومی سطح پر منظم کرنا کافی دشوار ہوگا۔ چونکہ راہل گاندھی بہترین تنظیمی صلاحیتوں کے مالک ہونے کے ساتھ ایک متحرک قائد ہیں۔ آنے والے دنوں میں پارٹی کو انہی کی قیادت میں منظم کرتے ہوئے بنیادی سطح سے اسے مضبوط کرنے کی جدوجہد کی جانی چاہئے۔
 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔