کرناٹک کے وزیراعلیٰ کے ہاتھوں بیدر ایرپورٹ کا شاندار افتتاح ؛ دو گھنٹے سے بھی کم وقت پر بیدر سے بنگلور پہنچنا ہوگیا ممکن

Source: S.O. News Service | By I.G. Bhatkali | Published on 7th February 2020, 8:22 PM | ریاستی خبریں |

بیدر۔7/فروری۔(محمدامین نواز/ایس او نیوز) کرناٹک کے وزیراعلیٰ یڈی یورپا  کے ہاتھوں آج  جمعہ کو  بیدر میں ایرپورٹ کا شاندار افتتاح کیا  گیا جس کے ساتھ ہی بیدر سے بنگلور کا سفر دو گھنٹوں سے بھی کم وقت میں ممکن ہوگیا۔  شہری ہوابازی کی وزارت نے آج بیدر ایر پورٹ سے بنگلورو کیلئے پہلی  راست پرواز  کو ہری جھنڈی دکھائی۔

خیال رہے کہ  ایر پورٹ کو علاقائی رابطہ اسکیم۔اُڑان   ملک  کے عام شہری (آر سی ایس۔اڑان) کے تحت اس ایر پورٹ کو دوبارہ تیار کیا گیا تھا۔جس کو کرنے کیلئے11کروڑ روپیے خرچ کئے گئے۔ بتایا گیا ہے کہ  ریاستی حکومت نے مرکزی حکومت کی مدد سے اس ائرپورٹ کی شرعات کی ہے۔

ٹروجیٹ ائرلائن کے ذریعے  روزانہ بنگلور۔بیدر روٹ پر سروس شروع کی گئی ہے اور کرناٹک کے چیف منسٹر مسٹر بی ایس یدی یورپا نے آج بیدر ایر پورٹ سے پہلی پرواز کا افتتاح کیا۔اس موقع پر سیویل ایویشن کے سکریٹری مسٹرپردیپ سنگھ کھڑولا اور بیدر کے رکن پارلیمنٹ مسٹربھگونت کھوبا موجود تھے۔

وزیراعلیٰ بی ایس یدی یورپا نے اپنے افتتاحی خطاب میں کہا کہ کرناٹک کے دارلحکومت بنگلور سے میرے ساتھ متعدد  ارکانِ اسمبلی کم وقت میں بیدر پہنچ گئے۔ جبکہ عام طورپر ٹرین اور بس سے بیدر سے بنگلورو کا سفر 12گھنٹے کا ہے۔انھوں نے بیدر کے  عوام کو مبارکباد دیتے ہوئے اس ہوائی سفر کا فائدہ اُٹھانے کی بات کہی۔

بیدر ایر پورٹ ٹروجیٹ نیٹ ورک کا 24واں اسٹیشن ہے۔ایک عام آدمی اب یہاں سے ہوائی سفر کرسکتا ہے۔اس موقع پر پردیپ سنگھ کھڑولا نے کہا کہ نو تعمیر کردہ ایر پورٹ ہندوستان میں مناسب ہوائی رابطے کے قیام کیلئے وزارت شہری ہوا بازی کا عزم اور پختگی کی علامت ہے۔حکومت کرناٹک اور ہندوستانی فضائیہ کے تعاون کو سراہتے ہوئے اُڑان کی انچارج جوائنٹ سکریٹری اوشا پدھی نے 250ویں روٹ شروع کرکے پرواز کے تحت حال ہی میں حاصل کردہ کامیابی کے ضمن میں تفصیلات سے آگاہ کیا۔

بنگلور۔بیدر روٹ کا افتتاح کے ساتھ ایم او سی اے اس اسکیم کے تحت 252روٹس اور45ایرپورٹس کو کامیابی کے ساتھ عمل میں لایا ہے۔بیدر ایر پورٹ کے افتتاح کے ساتھ کرناٹک میں 8ویں ایر پورٹ کے آغاز کی کارروائیاں شروع کردی گئیں ہیں۔ایم او سی اے نے بیدر کے ایر فورس اسٹیشن (فضائیہ کے اڈے)کو نئے سرے سے ڈیزائن کرنے کا کام ہاتھ میں لیا تھا‘کیونکہ بیدر کے لوگوں کو ہر طرح کے انتظامی کاموں کیلئے بنگلور جانا پڑتا تھا اور ٹرین یا بس کے ذریعہ 11گھنٹوں سے زائد وقت تک کا سفر کرنا پڑتا تھا۔اب بیدر ایر پورٹ کا افتتاح ہوگیا ہے بیدر کے لوگ بیدر سے بنگلور اور ملک کے دیگر علاقوں میں چند گھنٹوں میں  آسانی کے ساتھ پہنچ سکیں گے۔

کرناٹک  کا شہر بیدر  تاریخی حیثیت رکھتا ہے۔ شہر کی بیدری دست کاری پوری دنیا میں شہرہ آفاق کی حیثیت رکھتی ہے۔یہ قدیم دستکاری ہے جو بیدر کی بھرپور ورثے و ثقافت کی گواہ ہے۔اس کے علاوہ بیدر میں تاریخی یادگاروں میں مسجدِ سولہ ستون جو اندرون قلعہ میں واقع ہے۔اندرون قلعہ میں رنگین محل‘ترکش محل‘ گگن محل‘تخت محل‘ اور ایشیاء کی پہلی یونیورسٹی جامعہ مدرسہ محمو دگاوان سیاحوں کا دل موہ لیتے ہیں۔

بیدر ایرپور ٹ کے افتتاح کے موقع پر بیدر ضلع انچارج منسٹر پربھو چوہان‘بیدر ضلع کے ارکانِ اسمبلی‘مسٹر ایشور بی کھنڈرے‘جناب محمد رحیم خان‘بنڈپا قاسم پور‘راج شیکھر پاٹل‘بی نارائین راؤ‘ارکانِ قانون ساز کونسل رگھوناتھ ملکا پورے‘ وجئے سنگھ‘اور اروند ارلی کے علاوہ شریمتی رتنا پربھا چیرپرسن اسکیل ڈیولپمنٹ اتھاریٹی و دیگر معزز شخصیات موجود تھیں۔

ایک نظر اس پر بھی

بنگلورو سمیت سرسی، بیندور اور ریاست کے مختلف مقامات پر پٹرول ، ڈیزل سمیت ضروری اشیاء کی قیمتوں میں اضافے کے خلاف کانگریس کا تانگہ ، بیل گاڑی جوتتے ہوئے احتجاج

پٹرول، ڈیزل ، پکوان گیس ، پکوان تیل سمیت کئی ایک ضروری اشیاء کی قیمتوں میں مسلسل اضافے کے خلاف کانگریس لیڈر اور حزب مخالف لیڈر سدرامیا اور کے پی سی سی صدر ڈی کے شیو کمار کانگریس کے ارکان اسمبلی کےساتھ بنگلورو میں تانگہ سواری کرتےہوئے ودھان سودھا پہنچتے ہوئے اپنے احتجاج کو درج ...

بیلتنگڈی : ریاست میں لگی ہے غیر اعلان شدہ ایمرجنسی ۔ کانگریسی لیڈر وسنت بنگیرا کا الزام

مندروں کو منہدم کرنے کی ریاستی  پالیسی کے خلاف احتجاجی مظاہرے سے خطاب کرتے ہوئے سابق ایم ایل اے اور کانگریسی لیڈر وسنت بنگیرا نے الزام لگایا کہ حکومت کی طرف سے  ریاست میں غیر معلنہ ایمرجنسی نافذ کی گئی ہے جس کے چلتے احتجاجی مظاہرے منعقد کرنے میں رکاوٹ پیدا کی جارہی ہے ۔

بھٹکل : ضلع شمالی کینرا میں بجلی سربراہی کی مسئلہ پر وزیر توانائی کے ساتھ اراکین اسمبلی نے کی گفتگو

کرناٹکا ودھان سودھا میں اسپیکر وشویشورا ہیگڈے کاگیری اور ضلع شمالی کینرا انچارج وزیر شیورام ہیبار کی موجودگی میں کمٹہ، ہلیال اور بھٹکل کے اراکین اسمبلی نے وزیرتوانائی سنیل کمار سے ملاقات کی اور کاروار، انکولہ سرسی، ہوناوراور بھٹکل جیسے مقامات بجلی سربراہی سے متعلق مسائل ...

کرناٹک بی جے پی آر ایس ایس کی کٹھ پتلی، اسی کے حکم پر عمل کر رہی ہے: سدارمیا

  کرناٹک میں قائد حزب اختلاف  سدارمیانے کہا ہے کہ وزیر اعلیٰ بومئی سمیت پوری حکومت آر ایس ایس کی کٹھ پتلی کی طرح برتاؤ کر رہی ہے اور اسی کے حکم پر عمل کر رہی ہے۔ انہوں نے کہا کہ کرناٹک کے وزیر اعلیٰ بسوراج بومئی کو جمہوریت اور پارلیمانی نظام حکومت پر کوئی یقین نہیں ہے۔ انہوں نے ...

کرناٹک حکومت تیسری لہر کے لیے مستعد، 20 فیصد بیڈ بچوں کے لیے مختص

داکٹر سدھاکر نے بتایا کہ ماہرین پر مشتمل ٹیکنیکل ایڈوائزری کمیٹی کی تجویز پر بچوں کو کووڈ  کی ممکنہ تیسری لہر کے دوران زیادہ خطرے کے پیش نظر حکومت نے سرکاری اور نجی سطح پر 25870 آکسیجن سپورٹ بیڈ اور 502 پیڈیاٹرک وینٹی لیٹر تیار کیے ہیں۔